តារាចម្រៀង សួស វីហ្សា ត្រូវបានរកឃើញវិជ្ជមានកូវីដ១៩នៅថ្ងៃនេះ ក្នុងការតេស្តលើកទី៣របស់នាង ហើយឥឡូវលទ្ធផលរបស់ ថមមី ដែលជាស្វាមីរបស់នាង ក៏ចេញលទ្ធផលក្នុងថ្ងៃតែមួយនេះដែរ។
ថមមី បានបញ្ជាក់ប្រាប់នៅមុននេះថា លទ្ធផលរបស់លោកបានចេញហើយ គឺលោកមិនមានវិជ្ជមានមេរោគសាហាវនេះនោះទេ។ “សូមជម្រាបទៅកាន់បងប្អូនឲ្យបានដឹងថា ពេលនេះលទ្ធផលតេស្តលើកទី៣ចេញមក គឺភរិយារបស់ខ្ញ៉ំទទួលផលវិជ្ជមានមានផ្ទុកមេរោគកូវីដ១៩ ចំនែកខ្ញុំបាទអវិជ្ជមានមេរោគ”។
លោកបានប្រាប់បន្តថា ភរិយា ដែលរកឃើញវិជ្ជមាននោះ ពេលនេះ ត្រូវបានក្រុមគ្រូពេទ្យបានមកទទួលយកទៅព្យាបាលហើយ។ ដោយឡែកលោក នៅបន្តឃុំខ្លួនធ្វើចត្តាឡីស័កដោយខ្លួនឯងនៅផ្ទះបន្តទៀត ជាមួយគ្នាសមាជិកក្រុមគ្រួសារលោកទាំងអស់ ក៏ត្រូវបានគ្រូពេទ្យយកសំណាកទៅពិនិត្យមេរោគបន្ថែមទៀតដែរ។
មតិយោបល់