អ្នកប្រឆាំងរបបយោធានៅមីយ៉ាន់ម៉ាបានឆ្លាក់សារតវ៉ានៅលើស៊ុតដែលតុបតែង សម្រាប់ពិធីបុណ្យ Easter ខណ:ដែលមនុស្សរាប់ពាន់នាក់ផ្សេងទៀតបានធ្វើការតវ៉ាតាមដងផ្លូវជាថ្មីដើម្បីថ្កោលទោសរដ្ឋប្រហារកាលពីថ្ងៃទី ១ ខែកុម្ភះ និងបានប្រឈមមុខជាមួយកងកម្លាំងសន្តិសុខដែលបានបាញ់ និងសម្លាប់មនុស្សយ៉ាងតិចបីនាក់។
នៅក្នុងការតវ៉ាប្រឆាំងចុងក្រោយដោយមិនមានការគ្រោងទុកជាមុន មានរួមទាំងសារ “បដិវត្តនិទាឃរដូវ” “យើងត្រូវតែឈ្នះ” និង “MAH ចុះចេញ” ដែលសំដៅទៅលើមេដឹកនាំរបបយោធាលោកឧត្តមសេនីយ៍ Min Aung Hlaing ត្រូវបានគេឃើញមានឆ្លាក់នៅលើស៊ុតនៅក្នុងរូបថតនៅលើប្រព័ន្ធផ្សព្វផ្សាយសង្គម។
បណ្ឌិត Sasa ជាប្រសិតអន្តរជាតិមួយរូបរបស់រដ្ឋាភិបាលស៊ីវិលដែលបានបណ្តេញចេញពីដំណែង បាននិយាយនៅក្នុងសេចក្តីថ្លែងការណ៍មួយថា “ពិធីបុណ្យ Easter សម្រាប់អនាគត ហើយប្រជាជនមីយ៉ាន់ម៉ាទាំងអស់នឹងមានអនាគតដ៏ត្រចះត្រចង់មួយនៅក្នុងលទ្ធិប្រជាធិបតេយ្យកណ្តាល” ។
បណ្ឌិត Sasa គឺជាសមាជិកនៃជនជាតិភាគតិចដែលកាន់សាសនាគ្រិស្តដ៏ធំ ដែលស្ថិតនៅក្នុងប្រទេសដែលមាន កាន់សាសនាព្រះពុទ្ធលើសលប់។
យុទ្ធនាការប្រឆាំងនឹងការទម្លាក់រដ្ឋាភិបាលជាប់ឆ្នោតរបស់លោកស្រី Aung San Suu Kyi រួមមានការតវ៉ាដែលជាយុទ្ធនាការកូដកម្ម និងសកម្មភាពបះបោរមិនធម្មតាដែលផ្សព្វផ្សាយនៅលើបណ្តាញសង្គម។ រូបភាពដែលបានបង្ហោះនៅក្នុងបណ្តាញសង្គមបានបង្ហាញថាយុវជននៅក្នុងទីក្រុង Yangon បានចែកស៊ុតដែលបានឆ្លាក់សារតវ៉ាទាំងនោះ ៕
មតិយោបល់