អ្នកនាំពាក្យក្រសួងសុខាភិបាល លោកជំទាវ ឱ វណ្ណឌីន សូមប្រកាសបន្ទាន់ថា តាមការសម្រេចរបស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា ការចាក់វ៉ាក់សាំងកូវីដ-១៩ នៅរាជធានីភ្នំពេញត្រូវផ្អាកជាបន្ទាន់ និងជាបណ្ដោះអាសន្នចំនួន ៣ថ្ងៃ ដោយគិតចាប់ពីថ្ងៃទី ១៧ ខែមេសា ដល់ថ្ងៃទី ១៩ ខែមេសា ឆ្នាំ ២០២១ ។នៅថ្ងៃទី ២០ ខែមេសា ឆ្នាំ ២០២១ ការចាក់វ៉ាក់សាំងកូវីដ-១៩ នឹងត្រូវដំណើរការជាធម្មតាឡើងវិញ ដោយឡែកបងប្អូនប្រជាពលរដ្ឋដែលមានបំណងធ្វើដំណើរមកកាន់រាជធានីភ្នំពេញដើម្បីធ្វើការចាក់វ៉ាក់សាំងកូវីដ-១៩នេះ សូមមេត្តាវិញត្រឡប់ទៅកាន់ទីកន្លែងដែលខ្លួនស្នាក់នៅវិញ ហើយត្រូវរង់ចាំការណែនាំសារជាថ្មី ដែលគណ:កម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស នឹងចេញផ្សាយជូននាពេលបន្ទាប់ខាងមុខនេះ។
សារសំឡេង លោកជំទាវ ឱ វណ្ណឌីន ថ្ងៃទី ១៧ ខែមេសា ឆ្នាំ ២០២១
ដោយ: ទទក