អនុវត្តតាមផែនការ ក្នុងការប្រយុទ្ធទប់ស្កាត់ការឆ្លងរាលដាលជំងឺកូវីដ-១៩ នៅថ្ងៃទី៣០ ខែមេសា ឆ្នាំ២០២១នេះ កងការពារព្រំដែនលេខ៦០១ បានចាត់តាំងកម្លាំង ចុះសហការជាមួយកម្លាំងយោធភូមិភាគពិសេស កម្លាំងតំបន់ប្រតិបត្តិការសឹករងកណ្តាល កម្លាំងនគរបាលវរៈ៦០៥ និងកម្លាំងគណៈបញ្ជាការឯកភាពស្រុកកោះធំ ស្រុកលើកដែក រួមទាំងកម្លាំងសមត្ថកិច្ចឈរជើងព្រំដែន ចុះល្បាតទាំងថ្ងៃទាំងយប់ ក្នុងភូមិសាស្ត្រ ឃុំសំពៅពូន ឃុំព្រែកជ្រៃ ឃុំឈើខ្មៅ ស្រុកកោះធំ និងឃុំក្អមសំណ ស្រុកលើកដែក ក្នុងការទប់ស្កាត់ការលួចឆ្លងដែនចេញចូល ដើម្បីបង្ការការឆ្លងរីករាលដាលជំងឺកូវីដ-១៩ និងកម្លាំងឈរជើងនៅទីបញ្ជាការកងក្នុងភូមិក្បាលជ្រោយ ឃុំឈើខ្មៅ ស្រុកកោះធំ សម្រាប់សហការ និងអន្តរាគមន៍អោយកម្លាំងជួរមុខ ២៤ម៉ោង លើ២៤ម៉ោង។
នៅព្រឹកថ្ងៃនេះដែរ លោកវរសេនីយ៍ឯក លន់ លុច មេបញ្ជាការកងការពារព្រំដែនលេខ៦០១ បានចាត់តាំងកម្លាំងកងអនុសេនាធំល្បាតទី២ ដឹកនាំដោយលោកអនុសេនីយ៍ឯក ណុន ប៊ុនធឿន មេបញ្ជាការរងកងអនុសេនាធំល្បាតទី២ ចុះល្បាតតាមខ្សែបន្ទាត់ព្រំដែនស្ថិតក្នុងភូមិសាស្ត្រ ឃុំសំពៅពូន ស្រុកកោះធំ ខេត្តកណ្ដាល ដោយពិនិត្យឃើញបង្គោលសីមារក្សានៅប្រក្រតី ព្រមទាំងបានកាប់សម្អាតស្មៅតាមខ្សែបន្ទាត់បានមួយចំនួនផងដែរ ៕
មតិយោបល់