(Reuter) នគរបាលកូរ៉េខាងត្បូងបានចូលឆ្មក់ការិយាល័យរបស់ក្រុមសកម្មជនប្រឆាំងកូរ៉េខាងជើងដែលបាននិយាយថា ខ្លួនបានបង្ហោះប៉េងប៉ោងទៅកាន់កូរ៉េខាងជើងកាលពីសប្តាហ៍មុនដែលភ្ជាប់ ទៅដោយក្រដាសប្រាក់ដុល្លារ និងខិត្តប័ណ្ណដែលរិះគន់រដ្ឋាភិបាលនៅទីក្រុងព្យុងយ៉ាង ។
ទោះបីត្រូវបានហាមឃាត់ដោយច្បាប់នាពេលថ្មីៗនេះក៏ដោយ ការបង្ហោះបែបនេះអាចបង្កឲ្យមានការថ្កោលទោសពីកូរ៉េខាងជើងដែលកាលពីឆ្នាំមុនបានបំផ្លាញការិយាល័យទំនាក់ទំនងរួមគ្នា និងបានគំរាមធ្វើសកម្មភាពយោធា បន្ទាប់ពីកូរ៉េខាងជើងខឹងនឹងខិត្តប័ណ្ណឃោសនា។
នគរបាលបាននិយាយថាពួកគេបានអនុវត្តដីកាស្វែងរក និងរឹបអូសនៅការិយាល័យរបស់ក្រុមអ្នកប្រយុទ្ធដើម្បីសេរីភាពកូរ៉េខាងជើងនៅទីក្រុងសេអ៊ូលដែលជាក្រុមដឹកនាំដោយ Park Sang-hak ដែលបានរត់ចេញពីកូរ៉េខាងជើងក្នុងឆ្នាំ ២០០០។
លោក Park បានប្រាប់រ៉យទ័រថា “មន្ត្រីនគរបាល ៧ នាក់បានឆ្មក់ចូលការិយាល័យរបស់ខ្ញុំនៅម៉ោង ១០ និង ១០ នាទីព្រឹក” ។
នគរបាល និងយោធាបាននិងកំពុងធ្វើការស៊ើបអង្កេតលើការអះអាងរបស់ក្រុមនេះថាខ្លួនបានបង្ហោះប៉េងប៉ោងផ្សាយពាណិជ្ជកម្មចំនួន ១០ ពីខេត្តតាមព្រំដែនភ្ជាប់ដោយខិត្តប័ណ្ណចំនួន ៥០០,០០០ សន្លឹក កូនសៀវភៅផ្សព្វផ្សាយចំនួន ៥០០ ក្បាល និងក្រដាសប្រាក់ ០១ ដុល្លារអាមេរិកចំនួន ៥០០០ សន្លឹក ៕
មតិយោបល់