(Reuter) តុលាការថៃបានអនុញ្ញាតឲ្យមេដឹកនាំបាតុកម្មនិស្សិតលោក Panusaya “ Rung” Sithijirawattanakul នៅក្រៅឃុំ ដែលមេដឹកនាំរូបនេះបានចំណាយពេល ៨ សប្តាហ៍នៅក្នុងការឃុំខ្លួនក្រោមការចោទប្រកាន់ពីបទប្រមាថព្រះមហាក្សត្ររបស់ប្រទេសនេះ តែមេដឹកនាំ ៦ នាក់ផ្សេងទៀតកំពុងជាប់ពន្ធនាគារនៅឡើយ។
លោក Krisadang Nutcharat មេធាវីម្នាក់របស់និស្សិតរូបនេះបានប្រាប់រ៉យទ័រថា លក្ខខណ្ឌនៃការអនុញ្ញតឱ្យនៅក្រៅឃុំគឺលោក Panusaya ដែលមានអាយុ ២២ ឆ្នាំ ត្រូវស្នាក់នៅក្នុងប្រទេសថៃ ចូលរួមសវនាការនៅពេលតុលាការកោះហៅ និងមិនត្រូវបំពានលើរាជានិយម។
និស្សិត Panusaya បានធ្វើកូដកម្មអត់អាហារកំឡុងពេលឃុំឃាំងរបស់គាត់រួមជាមួយមេដឹកនាំបាតុករម្នាក់ទៀតដែលមានឈ្មោះថា Parit “Penguin” Chiwarak ដែលមានអាយុ ២២ ឆ្នាំ ហើយត្រូវបានបញ្ជូនទៅមន្ទីរពេទ្យកាលពីសប្តាហ៍មុន។
យោងតាមមេធាវីរបស់គាត់បានអោយដឹងថា ការបើកសវនាការសុំនៅក្រៅឃុំរបស់ Parit ត្រូវបានពន្យារពេលនៅថ្ងៃព្រហស្បតិ៍នេះ។
នៅព្រឹកថ្ងៃព្រហស្បតិ៍នេះ អាជ្ញាធរបានបញ្ជាក់ថាសកម្មជនម្នាក់ទៀតដែលជាមេធាវីការពារសិទ្ធិមនុស្សលោក Arnon Nampa ដែលត្រូវបានចោទប្រកាន់ពីបទប្រមាថព្រះមហាក្សត្រ បានឆ្លងវីរុសកូរ៉ូណាខណៈជាប់ឃុំឃាំង។
មតិយោបល់