កាលពីយប់ថ្ងៃទី ១៤ខែឧសភាឆ្នាំ ២០២១វេលាម៉ោង០០និង១៥នាទីឈានចូលថ្ងៃទី១៥ខែឧសភា ឆ្នាំ២០២១ អនុវត្តតាមយោបល់ដឹកនាំជាប្រចាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមជាមួយយោបល់ណែនាំរបស់លោកវរសេនីយ៍ឯក លឹមពុទ្ធីឡា ស្នងការរងទទួលផែននគរបាលព្រហ្មទ័ណ្ឌ លោកវរសេនីយ៍ឯក សុខ សារិន ការនគរបាលស្រុកបវេល ដឹកនាំធ្វេីការស្រាវជ្រាវនិងឈានទៅបង្ក្រាបករណី(លួចគោ)ចំនួន០១ករណី នៅមូលដ្ឋានភូមិបឹងអារក្ស ឃុំអំពិលប្រាំដេីម ស្រុកបវេល ខេត្តបាត់ដំបង ដោយឃាត់ខ្លួនមុខសញ្ញាចំនួន០២នាក់គឺ៖
១-ឈ្មោះមឿន ថា ភេទប្រុស អាយុ ៥៨ ឆ្នាំរស់នៅភូមិកូប ឃុំអំពិលប្រាំដើម ស្រុកបវេល ខេត្តបាត់ដំបង។
២-ឈ្មោះចុង រ៉ា ភេទប្រុស អាយុ ៣៥ ឆ្នាំរស់នៅភូមិសៀម ឃុំអំពិលប្រាំដើម ស្រុកបវេល ខេត្តបាត់ដំបង។
ដកហូតបាន៖
-គោចំនួន០៤ក្បាលនិងថយន្តដឹកគោចំនួន ០១ គ្រឿង។
សូមជម្រាបជូនថា កាលពីវេលាម៉ោងនិងថ្ងៃទីដូចខាងលេី ក្រុមជនសង័្សយមួយក្រុមបានធ្វេីសកម្មភាព(លួចគោ)ចំនួន០២ក្បាល របស់ជនរងគ្រោះឈ្មោះ ផាន់ សុខុម ភេទប្រុសអាយុ ៤៨ ឆ្នាំរស់នៅភូមិបឹងអារក្ស ឃុំអំពិលប្រាំដេីម ស្រុកបវេល ខេត្តបាត់ដំបង។ ក្នុងពេលធ្វេីសកម្មភាពភា្លមៗជនរងគ្រោះបាន ដឹងហេីយផ្តល់ព័ត៌មានជាបន្ទាន់មកដល់សមត្ថកិច្ចនគរបាល ។ ទទួលបានព័ត៌មាន លោកអធិការបានចាត់ចែងដឹកនាំស្រាវជ្រាវនិងស្វែងរករហូតឃាត់ខ្លួនបានក្នុងបទល្មេីសជាក់ស្តែងតែម្តង។
លោកអធិការបានបញ្ជាក់ថាតាមចម្លេីយសារភាពរបស់ជនសង័្សយខាងលេី បានបង្ហាញថា បក្សពួកគេធ្លាប់លួចគោនៅក្នុងមូលដ្ឋានស្រុកបវេលនេះចំនួន០២លេីក រួចមកហេីយដែលលេីកទី០១លួចបានគោចំនួន០២ក្បាល យកទៅលក់នៅ ខេត្តបន្ទាយមានជ័យពីថ្ងៃទី៥ ខែឧសភា ឆ្នាំ២០២១ ហេីយតាមរយៈការសារភាពនេះលោកអធិការ បានទំនាក់ទំនងទៅសមត្ថកិច្ចនគរបាលខេត្តបន្ទាយមានជ័យរកឃេីញគោចំនួន០២ក្បាលនោះ នាំត្រឡប់មកវិញ ដែលសរុបមានចំនួន០៤ក្បាល។
បច្ចុប្បន្នសមត្ថកិច្ចនគរបាលបានរៀបចំសំណុំរឿងបញ្ជូនជនសង័្សយនិងវត្ថុតាងពាក់ព័ន្ធមកការិយាល័យជំនាញដេីម្បីផ្តន្ទាទោសតាមផ្លូវច្បាប់រីឯសត្វគោបានប្រគល់ជូនម្ចាស់វិញ៕
ប្រភព៖ ស្នងការដ្ឋាននគរបាលខេត្តបាត់ដំបង
មតិយោបល់