កាលពីចុងសប្ដាហ៍មុន ទូរទស្សន៍រដ្ឋចិន CCTV បានចុះផ្សាយថា iPhone របស់ Apple បានគំរាមកំហែងដល់សន្តិសុខជាតិចិន ជាមួយនឹងមុខងារចាប់យកទីតាំង និងពេលវេលារបស់អ្នកប្រើប្រាស់។
ក្រោយពីការចុះផ្សាយនេះ បានមួយថ្ងៃ Apple បានឆ្លើយតបវិញតាមរយៈគេហទំព័រនៅក្នុងប្រទេសចិន ដើម្បីផ្ដល់នូវទំនុចចិត្ត និងបង្ហាញពីភាពស្អាតស្អំរបស់ខ្លួនដល់រដ្ឋាភិបាលនៃប្រទេសកម្មុយនីសចិន។
នៅក្នុងខ្លឹមសារឆ្លើយតប បានបញ្ជាក់ថា មុខងារចាប់យកទីតាំង និងពេលវេលារបស់អ្នកប្រើប្រាស់នោះមិនបានគំរាមកំហែងដល់សន្ដិសុខជាតិចិនឡើយ ព្រោះថា មុខងារនេះតម្រូវឲ្យអ្នកប្រើប្រាស់ជាអ្នក Share ដើម្បីបង្ហាញដល់អ្នកទី៣ ឲ្យបានដឹងថា គាត់កំពុងតែនៅកន្លែងណា ដូចជាផ្សារទំនើប ភោជ្ជនីយដ្ឋាន ជាដើម។ បើសិនជាមិនមានការបង្ហាញពីអ្នកប្រើប្រាស់នោះទេ គ្មាននរណាម្នាក់ដឹងថា គាត់ទីណាឡើយ ហើយម្យ៉ាងទៀត Apple មិនបានសហការជាមួយនឹងក្រុមហ៊ុនភ្នាក់ងារសម្ងាត់ណាមួយដើម្បីផ្ដល់ព័ត៌មាននេះនោះទេ៕
មតិយោបល់