Post News Media ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសង្ស័យ៣នាក់ រួមនឹងវត្ថុតាងថ្នាំញៀន ១៤កញ្ចប់

កំពង់ចាម: កម្លាំងការិយាល័យនគរបាលប្រឆាំងគ្រឿងញៀនខេត្តកំពង់ចាម និងកម្លាំងអធិ​ការ​ដ្ឋាននគរបាលស្រុកជើងព្រៃ បានសហការគ្នា បង្ក្រាបបទល្មើសជួញដូរថ្នាំញៀន ២ករណីផ្សេងគ្នា ដកហូតថ្នាំ​ញៀនចំនួន១៤កញ្ចប់ ឃាត់ខ្លួនបានជនសង្ស័យចំនួន៣នាក់ ។

នគរបាលប្រឆាំងគ្រឿងញៀន ខេត្តកំពង់ចាម បានឲ្យដឹងថា ជនសង្ស័យទាំង ៣នាក់នេះ ត្រូវបានសមត្ថកិច្ចចាប់​ឃាត់ខ្លួនបាន២ករណី ផ្សេងគ្នា កាលពីថ្ងៃទី០១ ខែកញ្ញា ឆ្នាំ២០១៦ ដោយករណីទី១ ធ្វើឡើងនៅ វេលាម៉ោង៩ ឃាត់ខ្លួនបានជនសង្ស័យម្នាក់ឈ្មោះ វ៉ាត ខុង ភេទប្រុស អាយុ២៥ ឆ្នាំ នៅចំណុចភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ដែលជនសង្ស័យរូបនេះ បានយកថ្នាំញៀនមកចែកចាយនៅចំណុចភូមិរវៀង ឃុំខ្នុរដំបង ស្រុកជើង​ព្រៃ ខេត្តកំពង់ចាម ដកហូតថ្នាំញៀនប្រភេទក្រាម ពណ៌ស ចំនួន១០ កញ្ចប់ ។

ប្រភពដដែល បានបន្ដទៀតថា ចំណែកករណីទី២ ធ្វើឡើងកាលពីវេលាម៉ោង១៥ និង៣០នាទីថ្ងៃដដែល សមត្​ថកិច្ច​​ខាងលើ បានបន្តស្រាវជ្រាវ និងប្រើវិធានការញ៉ុះញង់ ហើយបានធ្វើការដកហូតថ្នាំញៀន​ប្រភេទក្រាម​ពណ៌​ស ចំនួន៤កញ្ចប់ (ធំ២ ,តូច២ ) និងបាន ធ្វើការឃាត់ខ្លួនជនសង្ស័យចំនួន២នាក់បន្ថែមទៀត ទី១.ឈ្មោះ គឹម យ៉េង ភេទប្រុសអាយុ២៦ឆ្នាំ មានទីលំនៅភូមិប្រខ្នោ ឃុំស្រម៉ ស្រុកជើង ព្រៃខេត្តកំពង់ចាម ។ និងជនសង្ស័យ​ទី២.ឈ្មោះចិន ស៊ាងលី ភេទប្រុស អាយុ១៩ឆ្នាំ នៅភូមិតាសែន ឃុំសូរទិព្វ ស្រុកជើងព្រៃ ខេត្តកំពង់ចាម ។

បច្ចុប្បន្ន ជនសង្ស័យទាំង៣នាក់ រួមនឹងថ្នាំញៀនជាវត្ថុតាង ត្រូវបានសមត្ថកិច្ចនាំខ្លួនមកកាន់ការិយាល័យ នគរ​បាល​ប្រឆាំងគ្រឿងញៀន ខេត្តកំពង់ចាម ដើម្បីកសាងសំណុំរឿង បញ្ជូនទៅកាន់សាលាដំបូង ខេត្តកំពង់ចាម ចាត់ការតាមផ្លូវច្បាប់ ៕

ជួញដូរថ្នាំញៀន ៤

ជួញដូរថ្នាំញៀន ៣

ជួញដូរថ្នាំញៀន ២

ជួញដូរថ្នាំញៀន ១