ព័ត៌មានជាតិ

ជំនួបពិភាក្សាអំពី ការសិក្សាលទ្ធភាពអនុវត្តគម្រោង ប្រព័ន្ធប្រតិបត្តិការរថភ្លើងស្វ័យប្រវត្ត (AGT)

ភ្នំពេញ: នៅថ្ងៃទី០២ ខែកញ្ញា ឆ្នាំ២០១៦ នៅទីស្តីការក្រសួងសាធារណ​ការនិងដឹក​ជញ្ជូន លោក ស៊ុន ចាន់ថុល ទេសរដ្ឋមន្ត្រី បានជួបពិភាក្សាការងារជាមួយលោក Tanaka Yasushi អគ្គនាយក​ទទួលបន្ទុកតំបន់អាស៊ីអាគ្នេយ៍ និងប៉ាស៊ីហ្វិក នៃអង្គការ JICA និងជាតំណាងអង្គការJICA ប្រចាំកម្ពុជា ឯកឧត្តម Aunny IENG អភិបាលរងនៃគណ:អភិបាលសាលារាជធានីភ្នំពេញ ដើម្បីពិភាក្សាអំពីស្ថានភាពនៃការសិក្សា​លទ្ធភាព​​អនុវត្តគម្រោង AGT (ប្រព័ន្ធប្រតិបត្តិការរថភ្លើងស្វ័យប្រវត្ត ) ដែលភ្ជាប់រាជធានីភ្នំពេញទៅកាន់ព្រ​លាន​យន្តហោះភ្នំពេញ។

លោក Yasushi បានជម្រាបជូនលោកទេសរដ្ឋមន្រ្តីថា អង្គការJICA បានធ្វើការសិក្សាអំពី លទ្ធភាពដំបូងនៃ​គម្រោង​បង្កើត​ប្រព័ន្ធដឹកជញ្ជូននៅតាមជាយក្រុងសម្រាប់រាជធានីភ្នំពេញកាលពីឆ្នាំទៅ ហើយបច្ចុប្បន្នកំពុងរៀប​ចំធ្វើការសិក្សាអំពីលទ្ធភាពពេញលេញ។

លោក ទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅ និងការចាប់អារម្មណ៍យ៉ាងមុតមាំចំពោះគម្រោង AGT នេះ ដែលជាគម្រោងមួយអាចជួយកាត់បន្ថយការកកស្ទះចរាចរណ៍ក្នុងរាជធានីភ្នំពេញ។ ទោះជាយ៉ាងណា ការផ្តល់​មូលនិធិសម្រាប់គម្រោងនេះ នៅតែជាបញ្ហាដែលកំពុងពិចារណាដោះស្រាយនៅឡើយ។ ហើយលោក បានស្នើ​សុំឲ្យ​​អង្គការ JICA ពិភាក្សាអំពីបញ្ហានៃការផ្តល់មូលនិធិនេះ ជាមួយក្រសួងសេដ្ឋកិច្ចនិងហិរញ្ញវត្ថុ មុនពេលចាប់​ផ្តើមការសិក្សាពីលទ្ធភាពពេញលេញ ៕

ជំនួបពិភាក្សា៦

ជំនួបពិភាក្សា៥

ជំនួបពិភាក្សា

ជំនួបពិភាក្សា៣

ជំនួបពិភាក្សា២

ជំនួបពិភាក្សា១

មតិយោបល់