(អ៊ីស្លាម៉ាបាដ)៖ រថភ្លើងពីរខ្សែបានបុកគ្នាពេញមួយទំហឹង នៅថ្ងៃច័ន្ទ ទី០៧ ខែមិថុនានេះ ក្នុងខេត្តស៊ីនដ៍ (Sindh) ភាគខាងត្បូងប្រទេសប៉ាគីស្ថាន ដោយបានបង្កឲ្យមនុស្ស ៣០នាក់ស្លាប់ និងជាង ៥០នាក់រងរបួស។

ហេតុការណ៍រថភ្លើងបុកគ្នាបានកើតមានឡើង នៅចំណុចផ្លូវដែកចន្លោះស្ថានីយរថភ្លើង Raiti និង Obaro ស្ថិតនៅក្នុងស្រុក Ghotki នៃខេត្ត Sindh រវាងរថភ្លើងរបស់ក្រុមហ៊ុន Millat Express និងក្រុមហ៊ុន Sir Syed Express។ ការបុកគ្នាធ្វើឲ្យទូររថភ្លើងទាំងពីរខ្សែត្រូវខ្ទេចខ្ទី រអិលធ្លាក់ចេញពីផ្លូវ និងខ្លះទៀតក្រឡាប់។

ក្រុមសង្គ្រោះកំពុងស្ថិតនៅកន្លែងកើតហេតុ ដើម្បីបំពេញប្រតិបត្តិការជួយសង្រ្គោះរបស់ពួកគេ៕

ប្រភព៖ AFP