អន្ដរជាតិ៖ ក្រុមមន្រ្តីបាននិយាយកាលពីថ្ងៃអង្គារថា រដ្ឋាភិបាលស្រីលង្កា កំពុងស្វែងរកជំនួយពីអង្គការសហប្រជាជាតិ(UN)និងប្រទេសផ្សេងទៀត ក្នុងការវាយតម្លៃពីផលប៉ះពាល់លើបរិស្ថាន បង្កឡើងពីការឆេះនាវាកុងតឺន័រ ផ្ទុកសារធាតុគីមី ដែលបានលិចនៅជិតតំបន់ឆ្នេររបស់ពួកគេ។ អគ្គីភ័យរយៈពេល ១២ថ្ងៃ បានបំផ្លិចបំផ្លាញនាវា MV X-Press Pearl ទាំងស្រុង និងធ្វើឲ្យមានការបំពុលយ៉ាងធ្ងន់ធ្ងរនៅក្នុងមហាសមុទ្រ និងនៅតាមបណ្តោយឆ្នេរប្រទេសកោះមួយនេះ៕