Manchester United គ្រោងនឹងដំឡើងថ្លៃឈ្នួលរបស់ Paul Pogba ឡើងដល់ ៤០ម៉ឺនផោនក្នុងមួយសប្តាហ៍ ព្រោះតែមិនចង់ឲ្យកីឡាករបារាំងរូបនេះចាកចេញពី Old Trafford នេះបើតាមការចុះផ្សាយរបស់សារព័ត៌មាន The Sun។
ប្រសិនបើ ៤០ម៉ឺនផោនមែននោះ Paul Pogba នឹងក្លាយជាកីឡាករដែលមានថ្លៃឈ្នួលថ្លៃបំផុតនៅ English Premier League។ Paul Pogba នឹងឈានដល់ឆ្នាំចុងក្រោយនៃកិច្ចសន្យារបស់គេនៅរដូវកាលក្រោយនេះហើយ ខណ:ប្រាក់ឈ្នួលបច្ចុប្បន្នដែលគេទទួលបានគឺ ៣០ម៉ឺនផោន ខណ:ក្រុមរបស់លោក Ole Gunnar Solskjaer មិនចង់ឲ្យកីឡាករវ័យ ២៨ឆ្នាំរូបនេះចាកចេញឡើយ។
យ៉ាងណាក្តីនៅ រឺមិននៅបន្តគឺត្រូវរង់ចាំរហូតដល់ Euro ២០២០ បញ្ចប់នៅពេល Paul Pogba បញ្ចប់បេសកកម្មជាមួយក្រុមជំរើសជាតិបាំរាំង។ Paris Saint Germain និង Real Madrid ជាក្លិបដែលត្រូវបានគេជឿថា ចង់បាន Paul Pogba៕
មតិយោបល់