(Reuters) ៖ កាលពីថ្ងៃច័ន្ទនេះ រដ្ឋមន្ត្រីក្រសួងការបរទេសអាមេរិកលោក Antony Blinken បាននិយាយថា យុទ្ធជនរដ្ឋអ៊ីស្លាម ១ ម៉ឺននាក់នៅតែបន្តជាប់ឃុំនៅក្នុងជំរំដែលគ្រប់គ្រងដោយកម្លាំងប្រជាធិបតេយ្យស៊ីរី (SDF) ដឹកនាំដោយជនជាតិ Kurd ហើយស្ថានភាពនេះ “មិនអាចបន្តទៅមុខទៀតទេ” ។
ថ្លែងនៅក្នុងពិធីបើកកិច្ចប្រជុំនៅទីក្រុងរ៉ូមដើម្បីបន្តកិច្ចខិតខំប្រឹងប្រែងអន្តរជាតិដើម្បីប្រយុទ្ធប្រឆាំងនឹងកងជីវពលអ៊ីស្លាម លោក Blinken បាននិយាយថា ទីក្រុងវ៉ាស៊ីនតោនបានបន្តជំរុញប្រទេសនានា ដោយមានទាំងប្រទេសចំនួន ៧៨ ដែលស្ថិតនៅក្រុមចម្រុះប្រឆាំងនឹងក្រុមរដ្ឋអ៊ីស្លាមឲ្យយកពលរដ្ឋរបស់ពួកគេដែលបានចូលរួមជាមួយក្រុមនេះត្រលប់ទៅវិញ ។
នៅក្នុងការបើកសុន្ទរកថា លោក Blinken បាននិយាយថា “ស្ថានភាពនេះមិនអាចបន្តទៅមុខទៀតដូច្នេះបានទេ ។ ហើយវាមិនអាចបន្តរហូតទេ។ សហរដ្ឋអាមេរិកនៅតែបន្តជំរុញប្រទេសដែលជាប្រភពដើម រួមទាំងដៃគូចម្រុះដើម្បីធ្វើមាតុភូមិនិវត្តន៍ ស្តានីតិសម្បទា ហើយប្រសិនបើអាចអនុវត្តបានធ្វើការកាត់ទោសពលរដ្ឋរបស់ពួកគេ”។
លោក Blinken បានសរសើរប្រទេសអាស៊ីកណ្តាលមួយចំនួនដូចជា Kazakhstan Uzbekistan និងបណ្តាប្រទេសក្នុងតំបន់ Balkan ដែលបានធ្វើមាតុភូមិនិវត្តន៍ពលរដ្ឋរបស់ពួកគេបានមួយចំនួន។ ប៉ុន្តែមន្ត្រីជាន់ខ្ពស់ក្រសួងការបរទេសបាននិយាយតាមទូរស័ព្ទថានៅអំឡុងពេលសន្និសីទនោះពុំមានប្រទេសថ្មីៗទៀតណាប្តេជ្ញាទទួលយកពលរដ្ឋរបស់ខ្លួនត្រលប់ទៅវិញឡើយ។
ការចាប់ផ្តើមដំបូងរបស់ក្រុមអាល់កៃដា រដ្ឋអ៊ីស្លាមបានដណ្តើមកាន់កាប់ទឹកដីអ៊ីរ៉ាក់ និងស៊ីរីបានយ៉ាងច្រើនចាប់ពីឆ្នាំ ២០១៤ ដោយបានបង្កើតរបបគ្រប់គ្រងគួរឱ្យខ្លាចដោយមានការកាត់ក្បាលសាធារណ: និងការវាយប្រហារនៅក្រៅប្រទេសដោយអ្នកគាំទ្ររបស់ពួកគេ ៕
មតិយោបល់