ក្រុមអ្នកពន្លត់អគ្គីភ័យរាប់រយនាក់បានធ្វើការក្នុងកម្តៅខ្ពស់ដើម្បីទប់ស្កាត់ភ្លើងឆេះព្រៃ នៅក្នុងព្រៃ រដ្ឋកាលីហ្វ័រញ៉ាភាគខាងជើង ជាកន្លែងដែលមានអណ្តាតភ្លើងបានបង្ខំឲ្យសហគមន៍ជាច្រើនត្រូវជម្លៀសចេញ។

រដូវកាលនៃភ្លើងឆេះព្រៃនៅរដ្ឋកាលីហ្វ័រញ៉ាកាលពីឆ្នាំមុន បានឆាបឆេះលើផ្ទៃដីជាង ៦.៥៦២ ម៉ាយការ៉េ (១៧.០០០ គីឡូម៉ែត្រការ៉េ) ដែលជាចំនួនត្រូវបានកត់ត្រាច្រើនបំផុតក្នុងប្រវត្តិសាស្ត្រ។

រដ្ឋកាលីហ្វ័រញ៉ា និងតំបន់ដទៃទៀតនៅភាគខាងលិចសហរដ្ឋអាមេរិក កំពុងជួបគ្រោះរាំងស្ងួតជាប្រវត្តិសាស្ត្រដែលជាប់ទាក់ទងនឹងបម្រែបម្រួលអាកាសធាតុដែលកំពុងរួមចំណែកដល់រដូវកាលភ្លើងឆេះព្រៃ និងរលកកម្តៅ។