ព្រះសីហនុៈ នៅវេលាម៉ោង ១២និង២០នាទីថ្ងៃទី២ ខែកក្កដា ឆ្នាំ២០២១ ស្ថិតនៅតំបន់សេដ្ឋកិច្ចពិសេសក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍០១កើតឡើង បង្កដោយ ម៉ូតូម៉ាក សេ១២៥ ខ្មៅ ស៊េរី២០១៩ ពាក់ស្លាកលេខព្រះសីហនុ 1H-8519 បើកបរដោយឈ្មោះ ដា វណ្ណា ភេទប្រុស អាយុ ២៧ឆ្នាំ រស់នៅឃុំ អូរជ្រៅ ស្រុកព្រៃនប់ ខេត្តព្រះសីហនុ (របួសមធ្យម) អ្នករួមដំណើរ ឈ្មោះ សុខ សុភក្រ្ត ភេទប្រុស អាយុ ២៥ឆ្នាំ រស់នៅ ឃុំអូរជ្រៅស្រុកព្រៃនប់ខេត្តព្រះសីហនុ (របួសមធ្យម) ដូចគ្នា បើកបរ ពីកើតទៅលិចមកដល់ចំណុចកើតហេតុ បានបុក ជាមួយរថយន្តសាំយ៉ុង ពណ៌បៃតងចាស់ ពាក់ស្លាក លេខព្រះសីហនុ 2A-5621 ទិសដៅស្របគ្នាអ្នក បើកបរឈ្មោះ ហៀត សើស្វីរីន ភេទប្រុស អាយុ ២៦ឆ្នាំ នៅ ឃុំអូរឧកញ្ញាហេង ស្រុកព្រៃនប់ ខេត្តព្រះសីហនុ។

ក្រោយកើតហេតុអ្នកបើកម៉ូតូ និងអ្នករួមដំណើរបញ្ជូនទៅព្យាបាលនៅពេទ្យ៨៨៨ខេត្តព្រះសីហនុ។

បច្ចុប្បន្នវត្ថុតាង រក្សាទុកនៅប៉ុស្តិ៍នរគបាលឃុំបិតត្រាំងរង់ចាំការដោះស្រាយ៕