បរទេស៖ The Goal នៅថ្ងៃនេះបានចេញផ្សាយថាកីឡាករខ្សែប្រយុទ្ធ Lewandowski របស់ក្លឹបយក្សអាល្លឺម៉ង់ Bayern Munich មកដល់ពេលនេះត្រូវបានគេជឿជាក់ថានឹងឈានទៅដល់ការសម្រេចចិត្តក្នុងការចាកចេញពីក្លឹបរបស់ខ្លួនហើយ។

ក្លឹបថ្មីក្នុងចំណោមក្លឹបដែលកីឡាករនឹងអាចជ្រើសរើសនោះក៏មាន Man City ផងដែរខណៈដែលក្លឹបអង់គ្លេសមួយនេះនៅកំពុងបន្តតាមដានស្ថានភាពរបស់កីឡាករនៅឡើយពីព្រោះថាក្លឹបក៏កំពុងធ្វើ
ការងារចរចាសុំទិញយកកីឡាករខ្សែប្រយុទ្ធអង់គ្លេស Harry Kane ផងដែរចេញពី Spurs។

Lewandowski បច្ចុប្បន្នមានវ័យ៣២ឆ្នាំទៅហើយគឺចាស់ជាងកីឡាករ Kane ដល់ទៅ៥ឆ្នាំនឹងអាចក្លាយទៅជាកីឡាករគោលដៅរយៈពេលខ្លីសម្រាប់ជំនួស Harry Kane នៅក្នុងប្រព័ន្ធប្រយុទ្ធរបស់គ្រូបង្វឹកក្លឹបមេឃខៀវ Man Cityហើយក៏អាចនឹងមានតម្លៃធូរថ្លៃជាងគ្នាផងដែរ៕