បរទេស៖ ក្លឹប Aston Villa ខណៈដែលកំពុងលេចឬព័ត៌មានថានឹងអាចទទួលបានប្រាក់ដល់ទៅ១០០លានផោនពី Man City ដើម្បីនាំយក Jack Grealish នោះពេលនេះបានប្រកាសជាផ្លូវការ
ហើយថានឹងចំណាយលុយដល់ទៅ៣០លានផោនទិញបានខ្សែប្រយុទ្ធ Ings ពីក្លឹប Southampton ហើយ។

កីឡាករខ្សែប្រយុទ្ធរូបនេះត្រូវបានគេជឿជាក់ថានឹងចុះកុងត្រាដែលមានរយៈពេល៣ឆ្នាំជាមួយនឹង Aston Villa ពីក្លឹប Southampton ដែលកាលពីរដូវកាលមុនគាត់អាចបានប្រមាណជា១៣គ្រាប់ផងដែរ។

Ings បានក្លាយជាកីឡាករចំណូលថ្មីបន្ទាប់ពីកីឡាករ Leon Bailey, Emi Buendia និង Ashley Young ផងដែរនៅទឹកដី Villa Park ហើយខណៈដែលក្លឹបនៅតែបន្តភាពមមាញឹកទិញកីឡាករថ្មីបន្ថែមទៀតនៅក្នុងរដូវក្តៅនេះ៕