(Reuters) – មេបញ្ជាការក្រុមជីវពល​បីរូប បាននិយាយថាក្រុម​តាលីបង់បានប្តូរយុទ្ធសាស្ត្រពីគោលដៅនៅតំបន់ជនបទ នៃប្រទេសអាហ្វហ្គានីស្ថានមកវាយប្រហារទីក្រុងនានាជាការឆ្លើយតបទៅនឹងការកើនឡើង នៃការវាយប្រហារតាមអាកាសរបស់សហរដ្ឋអាមេរិកបន្ទាប់ពីសហរដ្ឋអាមេរិកបាននិយាយថាខ្លួនបានបញ្ចប់សង្គ្រាមយូរបំផុតរបស់ខ្លួន ។

ក្រុមតាលីបង់បានបង្កើនយុទ្ធនាការរបស់ពួកគេដើម្បីយកឈ្នះរដ្ឋាភិបាលដែលគាំទ្រដោយសហរដ្ឋអាមេរិកខណ:កងកម្លាំងបរទេសបញ្ចប់ការដកទ័ពរបស់ពួកគេបន្ទាប់ពីជម្លោះអស់រយ:ពេល ២០ឆ្នាំ ។

មេបញ្ជាការប្រចាំតំបន់ម្នាក់បាននិយាយកាលពីចុងខែមុនថា សហរដ្ឋអាមេរិកបានបង្កើនការវាយប្រហារតាមអាកាសដើម្បីប្រឆាំងការវាយប្រហារតាលីបង់ដែលកំពុងកើនឡើងហើយវាជាសកម្មភាពដែលថ្កោលទោសដោយក្រុមអ៊ីស្លាមនិយម ។

ការប្រយុទ្ធគ្នាបានផ្ទុះឡើងយ៉ាងខ្លាំងនៅខាងក្នុងទីក្រុង Herat ជិតព្រំដែនខាងលិចជាមួយប្រទេសអ៊ីរ៉ង់ Lashkar Gah រដ្ឋធានី នៃខេត្ត Helmand​ នៅភាគនិរតី និងខេត្ត Kandahar នៅភាគខាងត្បូង ។

មេបញ្ជាការតាលីបង់ទាំងបីរូបដែលបាននិយាយក្នុងលក្ខខណ្ឌអនាមិកបានប្រាប់រ៉យទ័រថាពួកគេផ្តោតលើការចាប់យកខេត្ត Heratនិង Kandahar ដោយមានខេត្ត Lashkar Gah នៅក្នុងគោលដៅរបស់ពួកគេ ។

មេបញ្ជាការម្នាក់នៅ Kandahar បាននិយាយថា លោក Mullah Yaqoob បានអះអាងថានៅពេលដែលអាមេរិកមិនអនុវត្តតាមការប្តេជ្ញាចិត្តរបស់ពួកគេហេតុអ្វីបានជាតាលីបង់ត្រូវធ្វើតាមកិច្ចព្រមព្រៀងនេះ?។