លោក ឯម តារា អគ្គលេខាធិការង ក្លឹបបាល់ទាត់គិរីវង់សុខសែនជ័យបានបញ្ជាក់ថា យុវជនទាំង៣នាក់ ដែលថ្នាក់ដឹកនាំ និងគ្រូបង្វឹកមើលឃើញពីការវិវឌ្ឍសមត្ថភាពល្អ ទើបយុវជនទាំងនេះ ទទួលបានឱកាសឲ្យឡើងមកឈុតធំ សម្រាប់ត្រៀមការប្រកួតជើងទី២ នៃក្របខ័ណ្ឌលីគកំពូលកម្ពុជា រដូវកាល ២០២១នេះ។ តំណាងក្លឹបរូបនេះបន្តថា កីឡាករវ័យក្មេង៣នាក់ ត្រូវបានជ្រើសរើសចេញពីឈុតយុវជនអាយុក្រោម១៨ឆ្នាំរបស់ក្លឹបផ្ទាល់តែម្តង ហើយក្លឹបគ្រោងនឹងធ្វើការប្រកាសជាផ្លូវការ នាពេលឆាប់ៗខាងមុខនេះ។

គួរបញ្ជាក់ថា ក្លឹបគីរីវង់សុខសែនជ័យ ក្រុមកីឡាក៣ឈុត ដែលមាន ឈុតធំ ឈុតយុវជនអាយុក្រោម១៥ឆ្នាំ និងអាយុក្រោម១៨ឆ្នាំ។ បច្ចុប្បន្ន ក្លឹបគិរីវង់សុខសែនជ័យ កំពុងឈរលេខ៨នៃតារាងពិន្ទុ ក្នុងក្របខ័ណ្ឌលីគកំពូលកម្ពុជា ក្រោយឆ្លងកាត់៩ប្រកួត ឈ្នះ៤ ចាញ់៥ មាន១២ពិន្ទុ៕