ត្រីដំរី មានប្រវែងដងខ្លួនអតិបរមា ៦៥ ស.ម។ ត្រីដំរី តូចៗ ឃើញមានរស់នៅច្រើន នៅក្នុងស្ទឹង ដែលមានខ្សាច់ និងថ្ម។ ត្រីប្រភេទនេះ ពង-កូន ពីរដងក្នុងមួយឆ្នាំ។ លើកទី១ ចាប់ពីខែមីនា ដល់ខែមេសា។ លើកទី២ ចាប់ពីខែ តុលា ដល់ខែ វិច្ឆិកា។ វាស៊ីត្រីល្អិតៗ កំពឹស ពពួកសត្វល្អិតដែលរស់ក្នុងទឹក ខ្យង-ខ្ចៅ និងក្តាមជាអាហារ។
ត្រីដំរីមានវត្តមាននៅតាមបណ្តាប្រទេសមួយចំនួនដូចជា កម្ពុជា , ថៃ , ម៉ាលេសុី , សិង្ហបុរី ,ហ្វីលីពីន , និង ឥណ្ឌូណេស៊ី ដែលវារស់នៅតាមតំបន់ទឹកសាប ។
ត្រីដំរីជាប្រភេទត្រីម្យ៉ាងដែលត្រូវបានប្រជានេសាទ ចិញ្ចឹមជាលក្ខណៈកសិដ្ឋាន សម្រាប់នាំចេញទៅក្រៅប្រទេស ហើយវាក៏ឃើញមាននៅក្នុងទីផ្សាត្រីចិញ្ចឹមលម្អរផងដែរ ។ ត្រីដំរីត្រូវបានប្រជាជនចិននិយមបរិភោគណាស់ ព្រោះតែ ភាពស្រស់ស្អាតនៃពណ៌របស់វា និង សាច់ដ៏មានឱជារស ហើយប្រជាជនចិនក៏ជឿរថាវា ជួយអោយមានសុខភាពល្អ ! ប្រជាជនចិននិយមហូបត្រីដំរីណាស់ ពិសេសនៅក្រោយពេលវះកាត់ ឬ ក្រោយពេលសម្រាលកូនរួច។នៅប្រទេសថៃ ត្រីដំរីមានដំណាលព្រេងនិទាន ដែលត្រូវបានគេថតជាខ្សែរភាពយន្ត ដូចនិងប្រទេសកម្ពុជាយើងដែរ ។
ត្រីដំរី ត្រូវបានគេកត់ត្រាចូលក្នុងបញ្ជីរក្រហម IUCN Red List (Least Concern) ជាប្រភេទត្រី ដែលមានការព្រួយបារម្ភតិចតួច ថានឹងអាចឈានទៅផុតពូជ។ កត្តាគំរាមកំហែងនាពេលបច្ចុប្បន្នចំពោះត្រីប្រភេទនេះមិនត្រូវបានគេដឹងឡើយ។
ប្រភពផ្សេងទៀត ៖ ត្រីស្រកាមួយប្រភេទ មានសណ្ឋានធំកន្តុលមូល សាច់ជ្រាយ : ត្រីដំរី ( ខ្មែរបុរាណមិនយកមកប្រើជាអាហារទេ ) ។
ឈ្មោះខ្មែរ ៖ ត្រីដំរីមាស ( ត្រីដំរី )
ឈ្មោះវិទ្យាសាស្ត្រ ៖ Oxyeleotris marmorata
ប្រភព៖ ជីវៈចម្រុះនៃប្រទេសកម្ពុជា
មតិយោបល់