ភ្នំពេញ ៖ នៅថ្ងៃទី១ ខែ ធ្នូ ឆ្នាំ២០២១ វេលាម៉ោង ២១ និង ០០ នាទី មានករណីឃាតកម្ម កើតឡើងនៅភូមិត្រពាំងក្រឡាញ់ ឃុំលំពង់ ស្រុកបាទី ខេត្តតាកែវ ដែលបង្កឡើងដោយជនសង្ស័យឈ្មោះ និល មន ភេទប្រុស អាយុ ២៣ឆ្នាំ មានទីលំនៅភូមិឃុំកើតហេតុខាងលើ បានយកដំបងដែកបំពង់ទីបវា.យទៅលើជនរងគ្រោះ ឈ្មោះ និល ហ៉ីម ភេទប្រុស អាយុ ៦៤ឆ្នាំ មានទីលំនៅភូមិត្រពាំងក្រឡាញ់ ឃុំលំពង់ ស្រុកបាទី ខេត្តតាកែវ ត្រូវជាឪពុកបង្កើត ជាច្រើនដំបង ចំក្បាលពីក្រោយ បណ្តាលឲ្យបែកផុងលលាដ៍ក្បាលស្លាប់។

មូលហេតុ ជនសង្ស័យ ជាមនុស្សសតិមិនគ្រប់ (បែកថ្នាំ) និងស្រវឹងស្រា ទើបបង្កឲ្យមានករណីឃាត.កម្មនេះ កើតឡើង។

ក្រោយកើតហេតុ ជនសង្ស័យបានរត់គេចខ្លួនបាត់ ។ លុះដល់ថ្ងៃទី២ ខែ ធ្នូ ឆ្នាំ២០២១ នៅវេលាម៉ោង ០៧ និង៣០នាទី ទើបកម្លាំងយើងឃាត់ខ្លួនបានជនសង្ស័យ និងវត្ថុតាង នៅត្រង់ចំណុចព្រៃក្រោយភូមិ ត្រពាំងក្រឡាញ់ ឃុំលំពង់ ស្រុកបាទី ខេត្តតាកែវ មក អធិការដ្ឋាននគរបាលស្រុកបាទី ដើម្បីកសាងសំណុំរឿងតាមនីតិវិធី៕