បរទេស៖ កីឡាករអន្តរជាតិសញ្ជាតិដាណឺម៉ាក Christian Eriksen គិតចាប់តាំងតែពីបានដួលសន្លប់នៅក្នុងការប្រកួតនាព្រឹត្តិការណ៍អ៊ឺរ៉ូឆ្នាំ២០២០កន្លងមកនោះកំពុងស្ថិតនៅក្នុងដំណាក់កាលត្រឡប់មករកទីលានប្រកួតអាជីពវិញហើយ។

កុងត្រាជាមួយនឹង Inter Milan ក៏ត្រូវបានបញ្ចប់ទាំងដែលរបួសហាក់ដូចជាបានធូរស្រាលទៅហើយក្តីនិងកំពុងស្វែងរកក្លឹបថ្មីដើម្បីអាចវិលត្រឡប់ចូលប្រកួតវិញ។ទោះបីជាយ៉ាងណាក្តីគេជឿជាក់ថា Eriksen គឺកំពុងធ្វើការហ្វឹកហាត់ជាមួយនឹងក្លឹបចាស់របស់ខ្លួននៅស្រុកកំណើតហើយនៅពេលនេះនៅដាណឺម៉ាកគឺ Odense និងក៏បានផ្លាល់ទីលំនៅទៅកាន់ប្រទេសស្វីសផងដែរដើម្បីអាចវិលត្រឡប់រកអាជីពវិញក្នុងឆ្នាំថ្មីខាងមុខនេះ។

កីឡាករវ័យ២៩ឆ្នាំរូបនេបានបង្ហាញខ្លួនឲ្យជម្រើសជាតិដាណឺម៉ាកបាន១០០ដងមកហើយនឹងបន្តធ្វើការប្រកួតឡើងវិញជាមួយនឹងក្លឹបនៅលីគទី៣របស់ស្វីស FC Chiasso ដើម្បីបន្តពង្រឹងសុខភាពរាង្គកាយឡើងវិញ។

ខណៈពេលជាមួយគ្នានេះទាំង Le Martin និង The Mirror បានចេញផ្សាយដូចគ្នាថាកីឡាកររូបនេះនឹងអាចវិលត្រឡប់មកការប្រកួតអាជីពវិញនៅពេលខាងមុខជាមួយនឹងលីគកំពូលអង់គ្លេសឬលីគកំពូលអាល្លឺម៉ង់៕