បុរសវ័យ២៥ឆ្នាំម្នាក់ ដោយសារតែខឹងរឿងឪពុកមិនចូលស្ដីដណ្ដឹងប្រពន្ធឲ្យ សម្រចចិត្តដុតផ្ទះឆេះខ្ទេចទាំងស្រុង។
ករណីនេះ បានកើតឡើងកាលពីវេលាម៉ោង១៨និង២៥នាទី ថ្ងៃទី០៦ ខែមករា ឆ្នាំ២០២២ នៅចំណុចភូមិ២ ឃុំត្រពាំងច្រេស ស្រុកកូនមុំ ខេត្តរតនគិរី ។
របាយការណ៍សមត្ថកិច្ចបានឲ្យដឹងថា ផ្ទះដែលត្រូវអគ្គិភ័យឆាបឆេះនេះមានទំហំ៦ម៉ែត្រ×៧ម៉ែត្រ ធ្វើពីឈើដំបូលប្រក់ស័ង្កសីជញ្ជាំងក្តា តែពុំមានខូចខាតសម្ភារ:អ្វីនោះទេ (ផ្ទះទុកចោល)។
បុរជាម្ចាស់ផ្ទះមានឈ្មោះ ឃិន សុភា ភេទប្រុស អាយុ៤៦ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុខាងលើ ។ ចំណែកជនបង្ករឈ្មោះ ប៊ុន ឡេង ភេទប្រុស អាយុ២៥ឆ្នាំ ជនជាតិខ្មែរ មុខរបរកសិករ (ត្រូវជាកូនបង្កើតរបស់ជនរងគ្រោះ) ដោយសារខឹងឪពុកមិនស្ដីដណ្តឹងប្រពន្ធឲ្យខ្លួន ក៏ដុតផ្ទះបណ្ដាលឲ្យឆេះខូចខាតទាំងស្រុង។
ក្នុងប្រតិបត្តិការនេះ កម្លាំងប៉ុស្តិ៍នគរបាលរដ្ឋបាលត្រពាំងច្រេស បានសហការណ៍ជាមួយកម្លាំងជំនាញពន្លត់អគ្គិភ័យ នៃអធិការដ្ឋាននគរបាលស្រុកកូនមុំ ចុះដល់កន្លែងកើតហេតុដើម្បីជួយសង្ក្រោះពន្លត់អគ្គិភ័យ និងបានប្រើប្រាស់ទឹកអស់ចំនួន០២រថយន្តស្មើរនិង៩០០០លីត្រ តែសង្គ្រោះមិនបាន៕
ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ
មតិយោបល់