(អាហ្វ្រិក)៖ ចំនួនអ្នកស្លាប់ដោយសារព្យុះត្រូពិក Ana ដែលបានវាយប្រហារលើប្រទេសចំនួន៣ នៅក្នុងតំបន់អាហ្វ្រិកខាងត្បូង បានកើនដល់ ៧៧នាក់ ហើយ នៅថ្ងៃព្រហស្បតិ៍សប្ដាហ៍នេះ។

អាជ្ញាធរនៃប្រទេសម៉ាដាហ្កាស្កា បានប្រកាសភាពអាសន្នទូទាំងប្រទេស ខណៈចំនួនអ្នកស្លាប់កើនដល់ ៤៨នាក់ រីឯប្រទេសម៉ូហ្សំប៊ិកស្លាប់១៨នាក់ និង១១នាក់ នៅក្នុងប្រទេសម៉ាឡាវី។

ព្យុះត្រូពិក Ana បានវាយប្រហារលើប្រទេសម៉ាដាហ្កាស្កា កាលពីថ្ងៃចន្ទដើមសប្ដាហ៍កន្លងទៅនេះ ដោយនាំមកជាមួយនូវភ្លៀងធ្លាក់យ៉ាងខ្លាំង មុននឹងព្យុះ មួយនេះបក់បោកទៅដល់ប្រទេសម៉ូហ្សំប៊ិក និងម៉ាឡាវី៕

ប្រភព៖ AFP