បរទេស៖ គ្រូបង្វឹកមាន់ខ្នាយមាស Spurs លោក Antonio Conte បានសារភាពថាលោកពិតជាមានអារម្មណ៍ស្មុគ្រស្មាញពិតមែនជាមួយនឹងទំរង់លេងរបស់ក្រុមនៅពេលបច្ចុប្បន្ននេះជាពិសេសការប្រកួតចុងក្រោយនេះដែលបានត្រឹមចាញ់ Burnley។

កីឡាករខ្សែការពារ Ben Mee ជាអ្នកតែតបញ្ចូលទីគ្រាប់តែមួយគត់ក្នុងការប្រកួតយប់មិញធ្វើឲ្យ Spurs ចាញ់ Burnley និងក៏ជាបរាជ័យជាប់គ្នា៤ដងចុងក្រោយនេះដោយទើបតែចាញ់Man City កាលពីចុងសប្តាហ៍កន្លងទៅ។

លោក Conte បាននិយាយបែបនេះថា៖ក្នុងការប្រកួតទាំង៥ដងរបស់យើងក្រុមបានចាញ់ដល់ទៅ៤ដង។នេះមិនមែនជាទំរង់លេងដែលយើងចង់បាននោះទេគ្មានអ្នកណាម្នាក់គេចរួចពីទំនួលខុសត្រូវមួយនេះហើយវាគឺជាការពិតណាស់។ខ្ញុំមកទីនេះដើម្បីកែប្រែប៉ុន្តែប្រហែលជាមិនទទួលបានលទ្ធផលដូចការគិតទុកឡើយ៕

បច្ចុប្បន្ន Spurs មិនត្រឹមតែធ្លាក់ចំណាត់ថ្នាក់ទៅដល់លេខរៀងទី៨ក្នុងតារាងប៉ុណ្ណោះទេថែមទាំងមាន៧ពិន្ទុតាមពីក្រោយក្រុមលេខ៤បិសាចក្រហម Man UTD ទៀតផងទោះបីជាមាននាមជាក្រុមជើងឯករង Champions League កាលពីរដូវកាលមុនក្តី៕