ភ្នំពេញ ៖ អធិការដ្ឋាននគរបាលខណ្ឌមានជ័យ ឃាត់ខ្លួនជនសង្ស័យចំនួន ០៣នាក់ ពាក់ព័ន្ធករណីអំពើហិ.ង្សា ដោយចេតនាមានស្ថានទម្ងន់ទោស ទំនាស់យកកាំ.បិតបុ័ងតោកា.ប់ជនរងគ្រោះ បណ្តាលឲ្យរបួសក្បាល។
លោកវរសេនីយ៍ទោ អ៊ុក បូនីន អធិការនគរបាលខណ្ឌមានជ័យ បានឲ្យដឹងថា ហេតុការណ៍នេះបានកើតឡើងកាលពីថ្ងៃទី ២៥ ខែ កុម្ភៈ ឆ្នាំ២០២២ វេលាម៉ោង១៥និង៣០នាទី ជនរងគ្រោះឈ្មោះ វីត ភានីត ភេទ ប្រុស អាយុ ១៨ ឆ្នាំ បានយកម៉ូតូ០១គ្រឿងម៉ាកស្គូបពី ពណ៌ក្រហម ឌុបមិត្តភក្តិប្រុស ចេញពីវិទ្យាល័យផ្សារដើមថ្កូវ ត្រឡប់ទៅផ្ទះនៅចំណុចផ្លូវលេខ១០បេតេ ភូមិ សន្សំកុសល១ សង្កាត់ បឹងទំពន់ទី១ ខណ្ឌមានជ័យ តែពេលធ្វើដំណើរមកដល់ចំណុច ផ្លូវលេខ១២បេតេ ភូមិ សន្សំកុសល៤ សង្កាត់ បឹងទំពន់ទី១ ខណ្ឌមានជ័យ បានជួបជនសង្ស័យចំនួន០២នាក់ឈ្មោះ អ៊ុន សារីវ៉ាន់នុត ហៅ ទី ភេទប្រុស អាយុ១៦ឆ្នាំ និង ឈ្មោះ ឆោម ដារ៉ា ភេទប្រុស អាយុ១៦ឆ្នាំ ជិះម៉ូតូ០១គ្រឿងម៉ាកស្គូបពី ពណ៌ក្រហម ពាក់ផ្លាកលេខ ភ្នំពេញ 1BU 0892 សម្លឹងមើលមុខគ្នា ក៏បានមានទំនាស់ពាក្យសំដី និងវាយប្រតាយប្រតប់គ្នាទៅវិញទៅមក ហើយជនសង្ស័យឈ្មោះ អ៊ុន សារីវ៉ាន់នុត ហៅ ទី និង ឈ្មោះ ឆោម ដារ៉ា បានជិះម៉ូតូចេញទៅវិញបាត់ ចំណែកជនរងគ្រោះឈ្មោះ វីត ភានីត បានជិះម៉ូតូឌុបមិត្តភក្តិបន្តដំណើរទៅផ្ទះនៅផ្លូវលេខ១០បេតេ ភូមិសន្សំកុសល១ សង្កាត់បឹងទំពន់ទី១ ខណ្ឌ មានជ័យ ខណៈពេលនោះ ស្រាប់តែជនសង្ស័យឈ្មោះ អ៊ុន សារីវ៉ាន់នុត ហៅ ទី និង ឈ្មោះ ឆោម ដារ៉ា បាននាំបក្សពួក០២នាក់ទៀត ឈ្មោះ កែវ ចន្ថារ៉ាវុទ្ធ ភេទប្រុស អាយុ ១៦ ឆ្នាំ និង ឈ្មោះ សាល ភេទប្រុស អាយុ១៨ឆ្នាំ ជិះម៉ូតូ០១គ្រឿងម៉ាកសេ១២៥ ពណ៌ខ្មៅ ស៊េរី២០១៣ ពាក់ផ្លាកលេខ ភ្នំពេញ 1BY 9214 ប្រដាប់ដោយ កាំ.បិតបុ័ងតោចំនួន០១ដើម មកធ្វើសកម្មភាពកា.ប់ជនរងគ្រោះឈ្មោះ វីត ភានីត បណ្តាលឲ្យរបួសក្បាលពីក្រោយ ចំនួន០១កន្លែង ហើយជនសង្ស័យនាំគ្នារត់គេចខ្លួនបាត់អស់ ចំណែកជនរងគ្រោះឈ្មោះ វីត ភានីត បានមកព្យាបាលរបួសនៅគ្លីនិតឯកជន (ក្បែរផ្សារបឹងទំពន់) សង្កាត់បឹងទំពន់ទី១ ខណ្ឌមានជ័យ។

លោកបានបន្តថា ជនរងគ្រោះ បានមកដាក់ពាក្យបណ្តឹង នៅស្នាក់ការនគរបាលប៉ុស្តិ៍បឹងទំពន់ទី១ ឲ្យជួយស្រាវជ្រាវ ភ្លាមនោះ កម្លាំងនគរបាលប៉ុស្តិ៍បឹងទំពន់ទី១ បានចុះទៅពិនិត្យកន្លែងកើតហេតុ ធ្វើការស្រាវជ្រាវ ឃាត់ខ្លួនជនសង្ស័យម្នាក់ឈ្មោះ អ៊ុន សារីវ៉ាន់នុត នៅសង្កាត់ទួលទំពូង២ ខណ្ឌ ចំការមន ហើយបន្តឃាត់ខ្លួនជនសង្ស័យចំនួន០២នាក់ទៀត ឈ្មោះ ចោមដារ៉ា និង ឈ្មោះ កែវ ចន្ថារ៉ាវុទ្ធ យកមកសាកសួរជាបន្តបន្ទាប់ ចំណែកបក្សពួកជនសង្ស័យឈ្មោះ សាល បានរត់គេចខ្លួនបាត់ នៅចំណុចផ្លូវលេខ១២បេតេ ភូមិសន្សំកុសល៤ សង្កាត់ បឹងទំពន់ទី១ ខណ្ឌ មានជ័យ រាជធានីភ្នំពេញ កាលពីថ្ងៃទី ២៥ ខែ កុម្ភៈ ឆ្នាំ ២០២២ វេលាម៉ោង១៥និង៣០នាទី ។

ជនសង្ស័យរួមមាន ៖ ១-ជនសង្ស័យឈ្មោះ អ៊ុន សារីវ៉ាន់នុត ហៅ ទី ភេទ ប្រុស អាយុ ១៦ ឆ្នាំ ជនជាតិ ខ្មែរ ទីលំនៅផ្ទះគ្មានលេខ ផ្លូវ៧៧បេតេ ភូមិ ឬស្សី សង្កាត់ ស្ទឹងមានជ័យទី២ ខណ្ឌ មានជ័យ រាជធានីភ្នំពេញ មុខរបរ សិស្ស (គ្មានផ្ទុកសារធាតុញៀន) ។ ២-ជនសង្ស័យឈ្មោះ ឆោម ដារ៉ា ភេទ ប្រុស អាយុ ១៦ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវ៣១បេតេ ភូមិ សន្សំកុសល១ សង្កាត់ បឹងទំពន់ទី១ ខណ្ឌ មានជ័យ រាជធានីភ្នំពេញ មុខរបរ សិស្ស (គ្មានផ្ទុកសារធាតុញៀន) ។ ៣-ជនសង្ស័យឈ្មោះ កែវ ចន្ថារ៉ាវុទ្ធ ភេទ ប្រុស អាយុ ១៦ ឆ្នាំ ជនជាតិ ខ្មែរ ទីលំនៅផ្ទះគ្មានលេខ ផ្លូវលំ ភូមិ ត្នោតជ្រុំ សង្កាត់ បឹងទំពន់ទី២ ខណ្ឌមានជ័យ រាជធានីភ្នំពេញ មុខរបរ សិស្ស (គ្មានផ្ទុកសារធាតុញៀន) ។

ចំណែកជនរងគ្រោះឈ្មោះ វីត ភានីត ភេទ ប្រុស អាយុ ១៨ ឆ្នាំ ជនជាតិ ខ្មែរ ទីលំនៅផ្ទះលេខ១៥ ផ្លូវលេខ៤៥បេតេ ភូមិ ត្នោតជ្រុំ៥ សង្កាត់ បឹងទំពន់ទី២ ខណ្ឌ មានជ័យ រាជធានីភ្នំពេញ មុខរបរ សិស្ស (របួសក្បាលពីក្រោយ ) ។

វត្ថុតាងចាប់យករួមមាន ៖ កាំ.បុ័ងតោចំនួន០១ដើម, ម៉ូតូចំនួន០២គ្រឿង៖ ម៉ាកសេ១២៥ ពណ៌ខ្មៅ លេខតួ+ម៉ាស៊ីន ៨៨៩៤០៦៧ ពាក់ផ្លាកលេខ ភ្នំពេញ 1BY 9214 និង ម៉ាកស្គូបពី ពណ៌ក្រហម លេខតួ+ម៉ាស៊ីន ៥០៦៧៧៨៤ ពាក់ផ្លាកលេ 1BU 0892 ។

បច្ចុប្បន្នជនសង្ស័យទាំង០៣នាក់ ឈ្មោះ អ៊ុន សារីវ៉ាន់នុត ហៅ ទី, ឈ្មោះ ឆោម ដារ៉ា និង ឈ្មោះ កែវ ចន្ថារ៉ាវុទ្ធ ឃាត់ខ្លួននៅ អធិការដ្ឋាននគរបាលខណ្ឌមានជ័យ ដើម្បីកសាងសំណុំរឿង ចាត់ការតាមនីតិវិធី ៕