.
តាកែវ:នៅព្រឹកថ្ងៃសុក្រ ៥រោច ខែផល្គុន ឆ្នាំថោះ បញ្ចស័ក ព.ស២៥៦៧ ត្រូវនិងថ្ងៃទី២៩ ខែមីនា ឆ្នាំ២០២៤ វេលាម៉ោង ៥:៣០នាទី នៅលើផ្លូវបេតុងលេខ១២៩B ចន្លោះគីឡូម៉ែត្រ លេខ ១០-១១ ស្ថិតនៅក្នុងភូមិតាយឹង ឃុំដូងខ្ពស់ ស្រុកបូរីជលសារ ខេត្តតាកែវ។ មានករណីគ្រោះថ្នាក់ចរាចរណ៍ រវាងម៉ូតូ នឹងម៉ូតូ មានទិសដៅ បញ្ច្រាសទិសគ្នាពីលិចទៅកេីត។ អ្នកបើកបរម៉ូតូC125 ពណ៌ខ្មៅស៊េរី2024 ពាក់ស្លាកលេខ តាកែវ 1AC:1541 បេីកឈ្មោះ ញ៉ែម សារុន ភេទស្រីអាយុ 41ឆ្នាំ មុខរបរកសិករ ធ្វើដំណើរពីលិចទៅកេីតរស់នៅភូមិកំពង់អំពិល ឃុំបូរីជលសារ ស្រុកបូរីជលសារ ខេត្តតាកែវ ស្លាប់នៅកន្លែងកេីតហេតុ។ រីឯអ្នកបើកបរម៉ូតូវ៉េវ ពណ៌ស ពាក់ផ្លាកលេខ (គ្មាន )បើកបរដោយ ឈ្មោះ ឡិប យ៉ា ភេទ ប្រុស អាយុ ២៨ឆ្នាំ មិនពាក់មួកសុវត្ថិភាព រស់នៅភូមិកំពង់យោល ឃុំគោកពោធិ៍ ស្រុកបូរីជលសារ ខេត្តតាកែវ ត្រូវរងរបួសធ្ងន់ បានបញ្ជូនទៅព្យាបាលជំងឺនៅមន្ទីរពេទ្យខេត្តតាកែវ។ រួមដំណេីរឈ្មោះ សិម យ៉ាន ភេទស្រី អាយុ 28ឆ្នាំ រស់នៅភូមិឃុំជាមួយគ្នា។
រីឯវត្តុតាងទាំងពីរត្រូវបានយកមករក្សាទុកនៅ បុស្តិ៍នគរបាលរដ្ឋបាលដូងខ្ពស់ជាបណ្តោះអាសន្នដេីម្បីស្រាវជ្រាវនឹងបំពេញសំណុំរឿងទៅតាមនីតិវិធី ។
មតិយោបល់