កណ្ដាល: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា កើតហេតុថ្ងៃទី០៨ ខែកក្កដា ឆ្នាំ២០២០ វេលាម៉ោង១៣និង៣០នាទី នៅចំណុចភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល។ ជនរងគ្រោះឈ្មោះ នូ សុផារិទ្ធ ភេទស្រី អាយុ៥៦ឆ្នាំ ជនជាតិខ្មែរទីលំនៅភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល (ម្តាយបង្កើត) មុខរបរ កសិករ (រងរបួសពកក្បាលខាងស្តាំ) ។ ជនសង្ស័យឈ្មោះ រ៉ែន បញ្ញា ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល (ឃាត់ខ្លួន) ។

វត្ថុតាងចាប់យករួមមាន៖ ១.ដាវកែច្នៃ ចំនួន០១ផ្លែ ដែកដងដែកមានប្រវែង០,៧២ម៉ែត្រ។ ២.ដែកទីបមូលប៉ុនកដៃក្មេងប្រវែង០,៨២ម៉ែត្រ ។ ៣.ជំពាមកៅស៊ូចំនួន០២ (ដែក០១ដើម,ឈើ០១ដើម)

សភាពរឿងហេតុ កាលពីថ្ងៃទី០៧ ខែមិថុនា ឆ្នាំ២០២០ វេលាម៉ោង២១និង១៥នាទីយប់ជនសង្ស័យបានផឹកស្រាស្រវឹងពេលដល់ផ្ទះរបស់ខ្លួនវិញបានគំរាមរកសម្លាប់ និងដេញកាប់ជនរង
គ្រោះ (ម្តាយបង្កើត) តែត្រូវបានឪពុកឃាត់មិនឲ្យកាប់ ។ លុះដល់ថ្ងៃខែឆ្នាំកើតហេតុខាងលើ ជនរងគ្រោះបានអង្គុយអង្រឹងក្រោមផ្ទះស្រាប់តែឃើញជនសង្ស័យដើរចូលមកក្រោមផ្ទះ ដោយស្រវឹងស្រាជោក ពេលមកដល់ជនសង្ស័យបានដេញជនរងគ្រោះ(ម្តាយ)ចេញពីផ្ទះ តែជនរងគ្រោះមិនបានចេញពីផ្ទះទេ ហើយបាននិយាយទៅវិញថា អ្ហែងមិនមែនម្តាយឪពុកអញ រឿងអី ដេញអញចេញពីផ្ទះ ពេលឮដូច្នេះជនសង្ស័យបានដើរសំដៅចូលផ្ទះបាយទាញយកអង្រែថ្មប្រវែងប្រហែល២តឹកមកវាយក្បាលជនរងគ្រោះកំពុងអង្គុយលើអង្រឹងក្រោមផ្ទះត្រូវពីរ (០២) អង្រែបណ្តាលឲ្យហើមក្បាលខាងស្តាំ ។ លុះដល់ថ្ងៃទី០៨ ខែកក្កដា ឆ្នាំ២០២០ វេលាម៉ោង១៥និង១៥នាទីជនរងគ្រោះ បានមកដល់ប៉ុស្តិ៍នគរបាលរដ្ឋបាលសំរោងធំ ដាក់ពាក្យបណ្តឹង។

ក្រោយពីទទួលពាក្យបណ្តឹងភ្លាមកម្លាំងប៉ុស្តិ៍បានចុះដល់ចំណុចកើតហេតុ ដើម្បីពិនិត្យទីកន្លែងកើតហេតុ ធ្វើការឃាត់ខ្លួនជនសង្ស័យនិងចាប់យកវត្ថុតាងខាងលើ យកមកប៉ុស្តិ៍នគរបាលសំរោងធំ ដើម្បីសាកសួររួច បញ្ជូនទៅអធិការដ្ឋាននគរបាលស្រុកកៀនស្វាយ ដើម្បីកសាងសំណុំរឿង និងចាត់ការតាមនីតិវិធី ៕