ព័ត៌មានជាតិ

តំណាងរាស្រ្តគណបក្សសង្គ្រោះជាតិ យកញត្តិដើរដាក់តាមបណ្ដាស្ថានទូតទាំង១២

ភ្នំពេញ: តំណាងរាស្ត្រគណបក្សសង្គ្រោះជាតិ បាននាំគ្នាដើរយកញត្តិដាក់តាមបណ្ដាស្ថានទូត១២ ប្រចាំប្រទេសកម្ពុជា ដើម្បីស្នើទៅប្រទេសមហាអំណាច និងប្រទេសជាហត្ថលេខីនៃកិច្ចព្រមព្រៀងទីក្រុងប៉ារីស ២៣ តុលា ឆ្នាំ១៩៩១ ឲ្យជួយការពារសិទ្ធិមនុស្សនិងការពារលិទ្ធិប្រជាធិបតេយ្យនៅកម្ពុជា។

តំណាងរាស្ត្រគណបក្សសង្គ្រោះជាតិ រួមមានលោកស្រី មួរ សុខហួរ លោក ហូ វ៉ាន់ និងលោក ឡុង ប៊ូតា ដែលបានដើរដាក់ញត្តិនៅតាមស្ថានទូតទាំង១២ រួមមាន៖ ឥណ្ឌូណេស៊ី  ម៉ាឡេស៊ី  ថៃ ជប៉ុន រុស្ស៊ី អូស្ត្រាលី ចិន បារាំង អង្គគ្លេស អាមេរិក សឹង្ហបុរី អាល្លឺម៉ង់។ បើតាមលោកស្រី មួ សុខហួរ ខាងមន្ត្រីតាមស្ថានទូតទាំងនោះបានចេញមកទទួលញត្តិនេះរួចរាល់ហើយ។

សូមរំឭកថា ការដាក់ញត្តិរបស់តំណាងរាស្ត្រទាំងនេះ ស្របពេលដែលអាជ្ញាធរកំពុងបិទកំណាត់ផ្លូវជាតិលេខ២ ជិតទីស្នាក់ការគណបក្សសង្គ្រោះជាតិ តាំងពីព្រឹកព្រលឹមថ្ងៃទី៥ កញ្ញានេះ ដែលបានបង្កឲ្យមានការកកស្ទះចរាចរណ៍យ៉ាងខ្លាំងនៅចំណុចស្ពានអាកាសក្បាលថ្នល់ និងស្ពានព្រះមុនីវង្ស(ច្បារអំពៅ)។ ការបិទផ្លូវដោយគ្មានការជូនដំណឹងពីអាជ្ញាធររាជធានីភ្នំពេញនេះ គឺបន្ទាប់ពីគណបក្សសង្គ្រោះជាតិ បានប្រកាសដង្ហែញត្តិទៅដាក់នៅស្ថានទូតនៃប្រទេសមហាអំណាច។ គិតត្រឹមម៉ោង១១នេះ អាជ្ញាធរបានបើកផ្លូវឲ្យពលរដ្ឋធ្វើដំណើរជាធម្មតាវិញហើយ៕

CNRP (18)

CNRP (1)

CNRP (2)

CNRP (3)

CNRP (4)

CNRP (5)

CNRP (6)

CNRP (7)

CNRP (8)

CNRP (9)

CNRP (10)

CNRP (11)

CNRP (12)

CNRP (13)

CNRP (14)

CNRP (15)

CNRP (16)

CNRP (17)

មតិយោបល់