ឧត្តរមានជ័យៈ កាលពីវេលាម៉ោង៧ និង៣០នាទី ថ្ងៃទី០៦ ខែកញ្ញា ឆ្នាំ២០១៦ នៅសាលាខេត្តឧត្តរមានជ័យ បានរៀបចំពិធីប្រកាសតែងតាំងចូលកាន់ដំណែងនាយខណ្ឌរដ្ឋបាលព្រៃឈើ ខេត្តឧត្តរមានជ័យ ក្រោមអធិបតីភាពដ៏ខ្ពង់ខ្ពស់ លោក ស ថាវី អភិបាលនៃគណៈអភិបាល ខេត្តឧត្តរមានជ័យ លោក អ៊ុង សំអាត អនុប្រធានរដ្ឋបាលព្រៃឈើ នៃក្រសួងកសិកម្មរុក្ខាប្រមាញ់ និងនេសាទ លោក យឹម ធិន ប្រធានក្រុមប្រឹក្សាខេត្ត ដោយមានការចូលរួមប្រធានមន្ទីរជុំវិញខេត្តនិងមន្ត្រីរដ្ឋបាល ព្រៃឈើនៅក្នុងខេត្តនិងកងកម្លាំងប្រដាប់អាវុធទាំងបីប្រភេទទៀតផង។
នាឱកាសនោះដែរ លោក ស ថាវី អភិបាលខេត្ត ឧត្តរមានជ័យ បានមានប្រសាសន៍ផ្តាំផ្ញើរដល់ប្រធានរដ្ឋបាលព្រៃឈើដែលទើបឡើងកាន់ដំណែងថ្មីឲ្យខិតខំយកចិត្តទុកដាក់ប្រឹងប្រែងធ្វើការងារនិងបន្តពង្រឹងសាមគ្គីផ្ទៃក្នុងឲ្យបានរឹងមាំនិងស្តាប់រាល់បទបញ្ជាគណៈបញ្ជាការឯកភាពខេត្ត ជាពិសេស មន្ត្រីរដ្ឋបាលខណ្ឌព្រៃឈើ ទាំងអស់ត្រូវសហការជាមួយស្ថាប័ន តុលាការ អាជា្ញធរខេត្ត ស្រុក ឃុំ ភូមិ ដើម្បីបង្ក្រាបរាល់បទល្មើសព្រៃឈើដែលកើតមានឡើងនៅក្នុងខេត្តឧត្តរមានជ័យ ៕
មតិយោបល់