បាត់ដំបង: មន្ត្រីនគរបាលប្រមាណជាង៦០០នាក់ បានធ្វើការជួបជុំគ្នានៅក្នុងសាលាដំបូង ដើម្បីចូលខ្លួនធ្វើពិធីសម្បថ ក្នុងការសុំបំពេញ នីតិសម្បទា ជាភ្នាក់ងារនគរបាលយុត្តិធម៌ក្រោយពេលដែលពួកគេត្រូវបានក្រសួងមហាផ្ទៃ ជ្រើសរើសឲ្យចូលជាមន្ត្រីនគរបាលជាតិរួចមក។

ពិធីសម្បថនេះ បានប្រព្រឹត្តឡើង នាព្រឹកថ្ងៃទី៦ ខែកញ្ញា ឆ្នាំ២០១៦  នៅក្នុងសាលជំនុំជម្រះ នៃតុលាការខេត្តបាត់ដំបង ក្រោមវត្តមាន លោក ជា វណ្ណ: ប្រធានតុលាការខេត្ត និងលោកព្រះរាជអាជ្ញារង  ព្រមទាំងក្រុមជំនួយការជាច្រើនរូបផងដែរ។

ដោយឡែកសមត្ថកិច្ចនៃស្នងការដ្ឋានគរបាលខេត្ត ក៏បានអញ្ជើញមកពីគ្រប់បណ្តាស្រុក នៅទូទាំងខេត្ត សរុបមានចំនួន ៦១៥ រូប ដើម្បីចូលរួមក្នុងការ សុំបំពេញនីតិសម្បទា ជាភ្នាក់ងារនគរបាលយុត្តិធម៌តាមមាត្រា ៧៦,៧៧ និង៧៨ នៃក្រមនីតិវិធីព្រហ្មទណ្ឌ៕