Post News Media ព័ត៌មានជាតិ កងរាជអាវុធខណ្...

កងរាជអាវុធខណ្ឌព្រែកព្នៅ ឃាត់ខ្លួនជនសង្ស័យម្នាក់ ពីបទប្រើប្រាស់អាវុធខុសច្បាប់

ភ្នំពេញ: ជនសង្ស័យម្នាក់ ត្រូវបានកម្លាំងកងរាជអាវុធហត្ថខណ្ឌព្រែកព្នៅ ធ្វើការឃាត់ខ្លួន ពីបទប្រើប្រាស់នូវអាវុធខុសច្បាប់។ ការចាប់ខ្លួននេះបាន ធ្វើឡើងកាលពីវេលាម៉ោង ៩និង៣០នាទី យប់ថ្ងៃទី១៩ ខែកញ្ញា ឆ្នាំ២០១៦ ស្ថិតនៅត្រង់ចំណុចក្នុងភោជនីយដ្ឋានបឹងសុបិន ស្ថិតនៅតាមបណ្តោយផ្លូវទំនប់កប់ស្រូវ ភូមិ ផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។

អាវុធហត្ថបានឲ្យដឹងថា ជនសង្ស័យដែលឃាត់ខ្លួនខាងលើមានឈ្មោះ រៀម ជឿន (ហៅតាអិដ្ឋ) ភេទប្រុស អាយុ៦២ឆ្នាំ មុខរបរមិនពិតប្រាក ស្នាក់នៅភូមិលូ សង្កាត់​ស្វាយ​ប៉ាក ខណ្ឌឫស្សីកែវ ព្រមទាំងបានដកហូតអាវុធខ្លីមួយដើមម៉ាក រ៉ូឡូ ពណ៌ស គ្មានគ្រាប់ រួមនឹងសម្លៀកបំពាក់យោធា។

កងរាជអាវុធហត្ថបានបន្តឲ្យដឹងថា នៅថ្ងៃទី១៩ ខែកញ្ញា ឆ្នាំ២០១៦ វេលាម៉ោង ៩យប់ មានប្រជាពលរដ្ឋម្នាក់ បានចូលទៅផឹកស៊ីក្នុងភោជនីយដ្ឋានបឹងសុបិន បានទូរស័ព្ទ​ទៅរាយការណ៍ប្រាប់សមត្ថកិច្ចថា មានបុរសម្នាក់បានដកកាំភ្លើងខ្លី មួយដើម ម៉ាក រ៉ូឡូ យកមកគំរាមភ្ញៀវក្នុងហាង ហើយបានស្រែកឡូឡា ដោយប្រមាថដល់ថ្នាក់​ដឹកនាំ​ប្រទេសកំពូលៗរបស់យើង។ ក្រោយមកពីបានទទួលដំណឹងរួចមក កម្លាំងជំនាញស៊ីវិល សហការជាមួយនឹងក្រុមល្បាតបានចុះទៅដល់កន្លែងកើតហេតុ ហើយព្រមទាំងបាន​ធ្វើការឃាត់ខ្លួន និងដកហូតអាវុធខ្លី បញ្ជូនទៅកាន់ការិយាល័យបទល្មើសព្រហ្មទណ្ឌកងរាជអាវុធហត្ថរាជធានីភ្នំពេញ។

បច្ចុប្បន្នជនសង្ស័យខាងលើ រួមនឹងវត្ថុតាង ត្រូវបានកម្លាំងកងរាជអាវុធក្រុង កំពុងធ្វើការសាកសួរនិងកសាងសំណុំរឿងបញ្ជូនទៅកាន់តុលាការ ចាត់ការតាមនីតិវិធីច្បាប់៕

កាន់កាប់អាវុធខុសច្បាប់

កាន់កាប់អាវុធខុសច្បាប់

កាន់កាប់អាវុធខុសច្បាប់