Post News Media ព័ត៌មានជាតិ រថយន្តដឹកថ្មរ...

រថយន្តដឹកថ្មរបស់ក្រុមហ៊ុនណឹម ម៉េងបើកឡើងស្ពានមិនរួច រអិលបុករបាំងថ្មបាក់អស់៥កង់

ភ្នំពេញ: រថយន្តដឹកថ្មរបស់ក្រុមហ៊ុនណឹម ម៉េង (N.M.28)មួយគ្រឿងបើកឡើងស្ពាន​អាកាសក្បាល​ថ្នល់​មិន​រួច ក៏រអិលថយក្រោយបុកជាមួយនឹងរបាំងថ្មពុះចែកទ្រូងផ្លូវ បណ្តាលឲ្យបាក់អស់ចំនួន៥កង់រងការខូចខាត ។ ហេតុការណ៍នេះបាន​កើតឡើងកាល​ពីវេលាម៉ោង ១១និង៣០នាទីយប់ថ្ងៃទី ២២ ខែកញ្ញា ឆ្នាំ ២០១៦ ស្ថិតនៅចំណុចស្ពានអាកាសក្បាលថ្នល់ ក្នុង​សង្កាត់​ចាក់អង្រែលើ ខណ្ឌមានជ័យ រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្តដឹកថ្ម របស់ក្រុមហ៊ុន ណឹមម៉េង ដែលមាន​លេខ​សម្គល់​លើក្បាលរថយន្ត (N.M.28) អត់ស្លាកលេខ មួយគ្រឿង បើកបរដោយបុរសម្នាក់ រួមដំណើរជាមួយនិង​មនុស្ស​ប្រុសម្នាក់ទៀត បើកបរក្នុងទិសដៅពីត្បូងទៅជើង តាមបណ្តោយផ្លូវជាតិលេខ២ ខណ:ដែលមកដល់ចំណុចកើតហេតុ​ខាង​លើ រថយន្តបង្កបានបើកឡើងស្ពានអាកាសក្បាលថ្នល់ ប៉ុន្តែទំនងជាធ្ងន់ពេក ទើបឡើងមិនរួច ក៏រអិលថយក្រោយបុកជាមួយនឹង​របាំងថ្មចែក​ទ្រូងផ្លូវលើស្ពាន បណ្តាលឲ្យបាក់អស់ចំនួន០៥កង់រងការខូចខាត សំណាងល្អនៅក្នុងគ្រោះថ្នាក់ចរាចរណ៍ខាងលើនេះ មិនបានបណ្ដាលឲ្យនរណាម្នាក់ មានរងរបួសអ្វីនោះទេ ។

ក្រោយកើតហេតុ សមត្ថកិច្ចនគរបាលចរាចរណ៍ខណ្ឌមានជ័យ សហការជាមួយនិងនគរបាលចរាចរណ៍រាជធានីភ្នំពេញ ចុះមក​ធ្វើការ​ពិនិត្យនិងវាស់វែងដល់កន្លែងកើតហេតុ ដោយបានស្ទូចយករថយន្តបង្កខាងលើ យកទៅរក្សាទុកនៅការិយាល័យ​ចរាចរណ៍​ជើង​គោករាជធានីភ្នំពេញ ដើម្បីរង់ចាំធ្វើការដោះស្រាយនៅពេលក្រោយតាមផ្លូវច្បាប់៕

រថយន្តNM

រថយន្តNM

រថយន្តNM

រថយន្តNM

រថយន្តNM