ព័ត៌មានជាតិ

នារីម្នាក់ជិះកង់ចេញពីរៀនត្រូវបានចោរឆក់កាបូបស្ពាយបានសម្រេច

ភ្នំពេញ: នារីម្នាក់ជិះកង់ចេញពីរៀន ត្រឡប់មកផ្ទះ ត្រូវបានក្រុមចោរ២នាក់ ជិះម៉ូតូធ្វើសកម្មភាពឆក់កាបូប​ស្ពាយ​របស់ជនរងគ្រោះដែលបានដាក់ក្នុងកន្ត្រកកង់បានសម្រេចគេចខ្លួនបាត់ដោយសុវត្ថិភាព ។ ហេតុការណ៍នេះបានកើតឡើង​កាល​ពីវេលាម៉ោង ៧ និង ៣០នាទី យប់ថ្ងៃទី២២ ខែកញ្ញា ឆ្នាំ២០១៦ តាមបណ្តោយផ្លូវមុនីរ៉េត នៅចំណុចគល់ស្ពានអាកាសស្ទឹង​មានជ័យ ស្ថិតនៅក្នុងសង្កាត់ទំនប់ទឹក ខណ្ឌចម្ការមន រាជធានីភ្នំពេញ ។

យោងតាមប្រភពព័ត៌មានពីជនរងគ្រោះឈ្មោះ ពិសី ភេទស្រី អាយុ២២ឆ្នាំ មានមុខរបរជានិស្សិតនៅសាលាភូមិន្ទភ្នំពេញ ស្នាក់នៅ​ជិត​គល់ស្ពានអាកាសស្ទឹងមានជ័យ សង្កាត់ទំនប់ទឹក ខណ្ឌចម្ការមនបានឲ្យដឹងថា មុនពេលកើតហេតុខ្លួនទើបតែចេញមក​ពីសាកល​វិទ្យាល័យភូមិន្ទភ្នំពេញ ដោយជិះកង់ក្នុងគោលបំណងត្រលប់ទៅផ្ទះវិញ នៅម្តុំគល់ស្ពានស្ទឹងមានជ័យ ដោយធ្វើដំណើរតាម​បណ្តោយ​ផ្លូវ​​មុនីរ៉េតក្នុងទិសដៅពីលិចទៅកើត ខណ:មកដល់ចំណុចកើតហេតុគល់ស្ពានស្ទឹងមានជ័យក៏ស្រាប់តែលេចមុខ​ជន​សង្ស័យ​ចំនួន២នាក់ ជិះម៉ូតូម៉ាកវីវ៉ាពណ៌ខ្មៅ មិនចាំស្លាកលេខ បានជិះមកជិតហើយធ្វើសកម្មភាពឆក់កាបូបដែលជនរងគ្រោះ​មិន​បាន​​ស្ពាយទេទុកនៅក្នុងកន្ត្រកកង់បានសម្រេច រួចប្រញាប់ជិះរត់គេចខ្លួនសំដៅទៅមន្ទីរពេទ្យរុស្សីបាត់ស្រមោល។

នារីរងគ្រោះបានបន្តថា នៅក្នុងកាបូបដែលបានបាត់ក្នុងនោះមានកុំព្យទ័រមួយគ្រឿងនិងកាបូបលុយ ប៉ុន្តែក្នុងនោះគ្មានមានលុយទេ រួមនឹងសម្ភារ:មួយចំនួនទៀត។ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលទំនប់ទឹក ដើម្បីឲ្យ​សមត្ថកិច្ចជួយធ្វើការស្រាវជ្រាវចាប់ខ្លួនជនសង្ស័យខាងលើ យកមកផ្តន្ទាទោសតាមច្បាប់ ៕

ឆក់កាបូប

ឆក់កាបូប

ឆក់កាបូប

ឆក់កាបូប

ឆក់កាបូប

ឆក់កាបូប

មតិយោបល់