ភ្នំពេញៈ កាលពីថ្ងៃទី០៤ ខែតុលា ឆ្នាំ២០១៦ វេលាម៉ោង ១១ និង៣០ នាទីយប់ កំលាំងផ្នែកនគរបាលយុត្តិធម៌ នៃអធិការដ្ឋាននគរ បាលខណ្ឌទួលគោក ដោយមានការសហការពីកំលាំង កងអនុសេនាតូចអន្តរាគមន៌ពិសេស នៃស្នងការដ្ឋាន នគរបាលរាជធានីភ្នំពេញ បានឃាត់ខ្លួនជនសង្ស័យ០២ នាក់ជាកមស្តែង នៅចំណុចស្តុបស្រែលាភ ផ្លូវលេខ ៦០៨ ក្រុមទី១០៦ ភូមិ២៣ សង្កាត់បឹងកក់ទី២ ខណ្ឌទួល គោក រាជធានីភ្នំពេញ ពីបទប្រើប្រាស់ដោយខុស ច្បាប់នូវសារធាតុញៀន។

ជនសង្ស័យដែលសមត្ថកិច្ចឃាត់ខ្លួននោះ ទី១-ឈ្មោះ សុខ ណា ហៅ ស្នា ភេទប្រុស អាយុ ៣០ ឆ្នាំ ជនជាតិខ្មែរ មុខរបរ ជាងដែក ស្នាក់នៅផ្ទះលេខ ២៥E5 ផ្លូវលេខ១១៨ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ និងទី២-ឈ្មោះ មាន មឿន ហៅ មឿន ភេទប្រុស អាយុ ៣៨ឆ្នាំ ជនជាតិខ្មែរ មុខរបរ រត់ម៉ូតូឌុប មានទីលំនៅភូមិ កាល់មេឃ ឃុំកកោះ ស្រុកសន្ទុក ខេត្តកំពង់ធំ។

ជាមួយគ្នានោះដែរ សមត្ថកិច្ចបានរកឃើញវត្ថុតាង រួមមាន ក្រាមពណ៌សថ្លា ០១កញ្ចប់តូច ( សង្ស័យជាគ្រឿងញៀន ) ។ ម៉ូតូមួយគ្រឿងម៉ាក Honda wave ពណ៌ខ្មៅ ពាក់ ស្លាកលេខ ប-2745ភ.ព1 ។ បច្ចុប្បន្នជនសង្ស័យទាំងពីរនាក់ កំពុងឃាត់ខ្លួននៅអធិ ការដ្ឋាននគរបាលខណ្ឌទួលគោក ដើម្បីសាកសួរ និង កសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់៕