ភ្នំពេញៈ រថយន្តមួយគ្រឿង ម៉ាក ហ៊ីយ៉ាន់ដាយ ពណ៌ស បានបើកប៉ះជាមួយនឹងរថយន្តមួយគ្រឿងទៀតម៉ាក កាមរីគូថហើម បណ្តាលឲ្យរថយន្តកាមរីនោះខូចខាតផ្នែកខាងមុខ ហើយព្យាយាមបើករត់ រហូតដល់មុខផ្សារហេងលី ទើបរថយន្តរងគ្រោះដេញតាមកាក់ជាប់ បង្កឲ្យមានការជជែកយកត្រូវរៀងខ្លួនស្ទើបែកទឹក ពេលមេឃកំពុងធ្លាក់ភ្លៀងផងនោះ។

ហេតុការណ៍បង្កគ្រោះថ្នាក់ចរាចរណ៍ ហើយព្យាយាមបើករត់នេះ បានកើតឡើងកាលពីវេលាម៉ោងជាង ១០យប់ ថ្ងៃទី០៦ ខែតុលា ឆ្នាំ ២០១៦ នៅសង្កាត់ទឹកល្អក់ទី៣ ខណ្ឌទួលគោក ហើយរថយន្តបង្កបើករត់មកដល់មុខផ្សារហេងលី ស្ថិតក្នុងខណ្ឌសែនសុខ រាជធានីភ្នំពេញ៕