ព័ត៌មានជាតិ

រឹបអូសឈើប្រណីតបានជាច្រើនកំណាត់ ប៉ុន្តែរកម្ចាស់មិនឃើញ

ស្ទឹងត្រែង: ក្រោមកិច្ចប្រតិបត្តិការរវាងមន្ទីរ ទំនាក់ទំនងព្រឹទ្ធសភា រដ្ឋសភា និងអធិការកិច្ចសហការជាមួយជំនាញរដ្ឋបាលព្រៃឈើខេត្តស្ទឹងត្រែង នាម៉ោង៤ល្ងាចថ្ងៃទី៦ ខែតុលា ឆ្នាំ២០១៦ ម្សិលមិញនេះ ធ្វើការចុះបង្រ្កាប ទីតាំងស្តុកឈើប្រណីតមួយកន្លែងស្ថិតក្នុង ភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ព្រមទាំងរឹបអូសបានឈើប្រណីតជាច្រើនរយកំណាត់ផងដែរ។

ករណីចុះបង្ក្រាបឈើប្រណីតខាងលើនេះ ហាក់បីដូចជា មានការបិតបាំងពីកម្លាំងជំនាញ ព្រោះថា ទីតាំងស្តុកឈើ និងឈ្មួញជាម្ចាស់ឈើមិនត្រូវបានស្គាល់ឈ្មោះ ដោយសារសមត្ថកិច្ចមិនបានបញ្ជាក់ប្រាប់ Postnews ឲ្យបានដឹងឡើយ។

ក្រោយពីរឹបអូសបានឈើប្រណីតទាំងអស់នោះ ត្រូវបានកម្លាំងជំនាញយកទៅរក្សាទុកក្នុងខណ្ឌរដ្ឋបាលព្រៃឈើខេត្តស្ទឹងត្រែងរួចរាល់ហើយ ដើម្បីរង់ចាំវាស់វែង។

រហូតមកដល់រសៀលថ្ងៃទី៧ ខែតុលា  ឆ្នាំ២០១៦នេះ មន្រ្តីជំនាញរដ្ឋបាលព្រៃឈើខេត្តស្ទឹងត្រែងបានបញ្ជាក់ប្រាប់ឲ្យដឹងថា ឈើដែលបង្ក្រាបបាននោះជាប្រភេទឈើធ្នង់ មានចំនួន២៥៦កំណាត់ស្មើ៥.៧៩១ម៉ែត្រគូប។ ប៉ុន្តែម្ចាស់ឈើទាំងអស់នោះ គឺជានរណា សមត្ថកិច្ចនៅតែមិនទាន់បានដឹងឈ្មោះនៅឡើយ៕

photo_2016-10-07_09-50-25

photo_2016-10-07_09-50-15

photo_2016-10-07_09-50-17

photo_2016-10-07_09-50-19

photo_2016-10-07_09-50-21

photo_2016-10-07_09-50-24

photo_2016-10-07_15-40-02

photo_2016-10-07_15-39-52

photo_2016-10-07_15-39-58

មតិយោបល់