ត្បូងឃ្មុំ: កម្លាំងជំនាញអធិការដ្ឋាននគរបាល ស្រុកតំបែរ កសាងសំណុំរឿងបញ្ជូនជនសង្ស័យម្នាក់ ពីបទជួញដូរគ្រឿងញៀន និងប្រើប្រាស់អាវុធកែច្នៃខុសច្បាប់ កាលពីវេលាម៉ោង១ និង៥៥ នាទីរសៀល ថ្ងៃទី ០៧ខែតុលា ឆ្នាំ២០១៦ ។

សមត្ថកិច្ច បានបញ្ជាក់ថា កម្លាំងជំនាញនៃអធិការដ្ឋាននគរបាល ស្រុកតំបែរ បានបង្ក្រាបករណីជួញដូរគ្រឿង កាលពីវេលាម៉ោង១ និង៥៥ នាទីរសៀល ថ្ងៃទី ០៧ខែតុលា ឆ្នាំ២០១៦ ស្ថិតនៅ ចំណុចភូមិស្វាយកាំបិត ឃុំសេដា ស្រុកតំបែរ ខេត្តត្បូងឃ្មុំ បានឃាត់ខ្លួនជនសង្ស័យម្នាក់ ឈ្មោះ លាង ល័ក្ខ ភេទប្រុស អាយុ២៣ មានទីលំនៅក្នុងភូមិឃុំកើតហេតុខាងលើ ដកហូតបានវត្ថុតាងម្សៅក្រាមពណ៌សថ្លា សង្ស័យជាថ្នាំញៀនចំនួន ០៦កញ្ចប់ និងអាវុធកែច្នៃ ១ដើម ។

បច្ចុប្បន្ន ជនសង្ស័យ រួមនឹងវត្ថុតាង ថ្នាំញៀនចំនួន៦ កញ្ចប់ និងអាវុធកែច្នៃ មួយដើមត្រូវបានកម្លាំងជំនាញ អធិការដ្ឋាន នគរបាល ស្រុកតំបែរ កសាងសំណុំរឿង តាមនីតិវិធី បញ្ជូនទៅតុលាការ ចាត់ការតាមនីតិវិធី នៃច្បាប់ ៕