ភ្នំពេញៈ ជនសង្ស័យម្នាក់ ត្រូវបានប្រជាពលរដ្ឋស្ទាក់ចាប់បាន ហើយនាំគ្នាស្វាគមន៍ម្នាក់មួយដៃ ម្នាក់មួយជើង បណ្ដាលឲ្យបែកមុខមាត់ បន្ទាប់ពីជនសង្ស័យរូបនោះ ធ្វើសកម្មភាពឆក់ខ្សែកកាលពីម៉ោង៨យប់ថ្ងៃទី៨ ខែតុលា ឆ្នាំ២០១៦ នៅតាមណ្ដោយផ្លូវស៊ីសុវត្តិ មុខក្រុមប្រឹក្សាអភិវឌ្ឍន៍ជនបទ ខណ្ឌដូនពេញ រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យឈ្មោះ ទេព ពិសាល អាយុ២៧ឆ្នាំ មុខរបរ កម្មកររោងចក្រ។ ម៉ូតូសម្រាប់ជិះធ្វើសកម្មភាពម៉ាកស្មាស់ ពណ៌ខ្មៅ ពាក់ស្លាកលេខ 1B-7001 ព្រះសីហនុ។

ក្រោយពីប្រជាពលរដ្ឋចាប់ រួចប្រគល់ឲ្យសមត្ថកិច្ច ជនសង្ស័យបាន សារភាពថា កាលពីមុនគេធ្លាប់លួចកាច់កញ្ចកឡានយ៉ាងសកម្មនៅរាជធានីភ្នំពេញ តែពេលនេះខ្លួនស្រវឹងស្រឿងៗផង ក៏បែកគំនិតឆក់ខ្សែក ហើយក៏ជាប់អន្ទាក់សមត្ថកិច្ចតែម្តង៕