កំពូលតារាចម្រៀង ព្រាប សុវត្តិ នៅតែជាតារាចម្រៀងជួរមុខ និងជាតារាចម្រៀងគំរូ សម្រាប់ក្មេងៗជំនាន់ក្រោយ បើទោះបីជាកន្លងមកបទភាគច្រើនរបស់លោក ចំលងពីគេ ក្តី តែបទទាំងនោះ បានធ្វើឲ្យលោកមានកេរ្តិ៍ឈ្មោះល្បីល្បាញមកទល់នឹងសព្វថ្ងៃនេះ ។ ក្នុងរយៈពេល ១០ ឆ្នាំជាងមកនេះ ព្រាប សុវត្ថិ បើទោះបីជាមានវ័យរាងជ្រេបន្តិច តែទឹកដមសំនៀងរបស់លោក នៅតែក្រអួនក្រអៅ ជាទីសន្តាប់របស់យុវវ័យ ជំនាន់ក្រោយ។ បទចំរៀងល្បីៗ របស់ កំពូលតារាចម្រៀង ព្រាប សុវត្តិ ក្នុងនោះមានបទ “ហែកបេះដូង” “ចិត្តព្រៃផ្សៃ” បទ “លំបាកតែឯង” “ច័ន្ទមិនស្តាយរស្មី” “គោះទ្វារបេះដូង” និងបទដែលធ្វើឲ្យគេចងចាំមិនភ្លេចនោះគឺបទ “ថ្ងៃបាក់រសៀល” ដែលជាចំណងដៃចុងក្រោយ របស់ លោក ជុំ ប៊ុនធឿន ជូនដល់កំពូលតារាចម្រៀង ព្រាប សុវត្តិ និង អ្នកគាំទ្រ កាលលោកនៅរស់។
ព្រាប សុវត្តិ មួយរយៈចុងក្រោយមកនេះបើទោះបីជាមិនសូវជាចេញវ៉ុលចំរៀងលើទីផ្សារ ក៏ប៉ុន្តែ វ៉ុលចម្រៀង Original ចុងក្រោយរបស់រស្មីហង្សមាស ស៊ីឌី វ៉ុល ៤៩៣ បានធ្វើឲ្យព្រាប សុវត្តិ កក្រើកកេរ្តិ៍ឈ្មោះ ឡើងវិញ ក្នុងនោះគឺបទ “ស្រាអាល័យ” ។ បទ “ស្រាអាល័យ” នេះដែរកំពុងតែប្រទាញ់អារម្មណ៍ប្រិយមិត្តឲ្យអន្លង់អន្លោចតាមរយៈ ពាក្យពេចន៍មនោសញ្ជេតនា ដែលផុសចេញពី គំនិតអ្នកនិពន្ធនោះ ។បទនេះ ភាគច្រើន បើសិនជាយើងងាកទៅមើល ក្នុងបណ្តាហាងផឹកស៊ី នាពេលរាត្រី ជាក់ណាស់ មានភ្ញៀវមិនតិចនោះទេ ដែលសូមកុម្ម៉ង់ម្ចាស់ហាង ឲ្យចាក់បទនេះ ហើយចាក់ហើយចាក់ទៀត ស្រពេលដែលកំពុងស្រវឹងស្រឿងៗនោះ។
ជាក់ណាស់ ព្រាប សុវត្តិ ត្រូវបានគេចាត់ទុកថា ជារៀមច្បង និងជាសិល្បៈគំរូ ជំនាន់ក្រោយ នាសម័យនេះ បើទោះបីជាមានតារាចម្រៀងក្រោយៗក្មេងៗ ល្បីយ៉ាងណាក៏ដោយ តែតម្លៃខ្លួន ព្រាប សុវត្តិ ត្រូវបានគេចាត់ទុកថា ជាកំពូលតារាចម្រៀង ដដែល ៕
ទស្សនាវិដេអូឃ្លិបដូចខាងក្រោមនេះ៖
ស្តាប់បទចម្រៀង ស្រាអាល័យ ៖
មតិយោបល់