ភ្នំពេញ: គណ:កម្មការរៀបចំកម្មវិធីរបស់វេទិកានៃអង្គការមិនមែនរដ្ឋាភិបាលស្តីពីកម្ពុជា (NGOF) រួមជាមួយសមាជិកបណ្តាញព្រៃឈើ បណ្តាញព្រៃឡង់ អង្គការដៃគូ និងមា្ចស់ជំនួយ នឹងរៀនចំសិក្ខាសាលាពិគ្រោះយោបល់ថ្នាក់ជាតិ ស្តីពីរួមគា្នគ្រប់គ្រង និងអភិរក្សធនធានព្រៃឈើនៅកម្ពុជារយ:ពេល២ថ្ងៃក្នុងខេត្តសៀមរាប គឺចាប់ពីថ្ងៃទី១៣ដល់១៤ខែតុលាឆ្នាំ២០១៦។

សិក្ខាសាលាថ្នាក់ជាតិនេះនឹងមានអ្នកចូលរួមប្រមាណ៩០នាក់ មកពីសមាជិកបណ្តាញព្រៃឈើ បណ្តាញសហគមន៍ព្រៃឡង់ តំណាងក្រសួងបរិស្ថាន តំណាងក្រសួងកសិកម្ម រុក្ខាប្រមាញ់ និងនេសាទ នាយខណ្ឌរដ្ឋបាលព្រៃឈើ និងតំណាងសហគមន៍ តំបន់ការពារធម្មជាតិ នាសណ្ឋាគារអង្គរមីរ៉ាខលរីសតនិងស្បាខេត្តសៀមរាបផ្លូវជាតិលេខ៦អា ឃុំស្រងែ ទល់មុខភូមិវប្បធម៌។

កិច្ចពិគ្រោះយោបល់នេះ ផ្តោតជាសំខាន់លើការពិនិត្យពីស្ថានភាពបច្ចុប្បន្ន នៃសហគមន៍ព្រៃឈើ សហគមន៍តំបន់ការពារ និងព្រៃឡង់ និងចែករំលែកព័ត៌មានសំខាន់ៗដល់ភាគីពាក់ព័ន្ធ ក៏ដូចជាលើកអំពីបញ្ហាទាក់ទិននឹងសហគមន៍ព្រៃឈើ សហគមន៍តំបន់ការពារធម្មជាតិ និងកិច្ចសហការ ក្នុងការគ្រប់គ្រងដែនជម្រកសត្វព្រៃនៅព្រៃឡង់ ដោយពង្រឹងយន្តការគ្រប់គ្រងព្រៃឈើដែលមានស្រាប់ តាមរយ:សហគមន៍ព្រៃឈើ សហគមន៍តំបន់ការពារធម្មជាតិ និងដែនជម្រកសត្វព្រៃព្រៃឡង់ និងបង្កើតជម្រើសដំណោះស្រាយ និងសំណូមពរ លើការគ្រប់គ្រងព្រៃឈើ ពិសេសសេចក្តីប្រកាសរួម ស្តីពីការគ្រប់គ្រងព្រៃឈើ ដាក់ជូនក្រសួងពាក់ព័ន្ធ និងស្ថាប័នពាក់ព័ន្ធ ដើម្បីធ្វើកិច្ចអន្តរាគមន៍។

សហគមន៍ព្រៃឈើ គឺជាផ្នែកមួយនៃកម្មវិធី ព្រៃឈើថ្នាក់ជាតិរបស់រាជរដ្ឋាភិបាលកម្ពុជា ឆ្នាំ២០១០-២០២៩។ ទិន្នន័យសហគមន៍ព្រៃឈើដែលមានក្នុងពាក់កណ្តាលឆ្នាំ២០១៦បានបង្ហាញថា” ចំនួនព្រៃឈើសរុបនៃសហគមន៍ព្រៃឈើមានប្រហែល៤៩៩ ដែលគ្របដណ្តប់លើផ្ទៃដីទំហំ៤១៧.៦៣៥,៨៦ហិកតា ក្នុងនោះសហគមន៍ព្រៃឈើចំនួន៤០១ មានផ្ទៃដីទំហំ ៣៣៨.៣១៦,៧៨ហិកតា ត្រូវបានយល់ព្រមដោយក្រសួងកសិកម្ម រុក្ខាប្រម៉ាញ់ និងនេសាទស្មើនឹង១៧ភាករយនៃកម្មវិធីព្រៃឈើថ្នាក់ជាតិ(NFP) សហគមន៍ព្រៃឈើចំនួន៣២៨ បានចុះកិច្ចព្រមព្រៀងងលើផ្ទៃដីទំហំ ២៩៦.២៤០,៣៦ហិកតា ឬស្មើនឹង១៤ភាគរយនៃកម្មវិធីព្រៃឈើថ្នាក់ជាតិ”៕