កណ្តាល: បញ្ហាគ្រឿងញៀនដែលកើតឡើងនៅខេត្តកណ្តាល ត្រូវបានសាធារណជនមើលឃើញថា បានកើតឡើងស្ទើរមិនលស់ថ្ងៃ បន្ទាប់ពីយុវជនជាកម្មករសំណង់ ០២នាក់ ត្រូវសមត្ថកិច្ចចាប់ខ្លួនជាមួយនឹងថ្នាំញៀន ០៤កញ្ចប់។

ហេតុការណ៍នេះ បានកើតឡើងកាលពីវេលាម៉ោង ៣ និង៣០នាទីថ្ងៃទី១២ ខែតុលានេះ នៅចំណុចលើខ្នងប្រឡាយពីខាងជើងភូមិឈើនាង ឃុំគោកត្រប់ ស្រុកកណ្តាលស្ទឹង ខេត្តកណ្តាល។

ជនសង្ស័យចំនួន០២នាក់ដែលសមត្ថកិច្ចឃាត់ខ្លួនបាននោះ គឺទី១-ឈ្មោះវ៉ង់-ផាន្នី ហៅទុន ភេទប្រុស អាយុ២៥ឆ្នាំ រស់នៅភូមិក្រាំងស្បូវ ឃុំព្រះពុទ្ធ ស្រុកកណ្តាលស្ទឹង ខេត្តកណ្តាល មុខរបរកម្មកសំណង់ និងទី២-ឈ្មោះចម្រើន មករា ភេទប្រុស អាយុ១៦ឆ្នាំ រស់នៅភូមិក្រាំងស្បូវ ឃុំព្រះពុទ្ធ ស្រុកកណ្តាលស្ទឹង ខេត្តកណ្តាល មុខរបរកម្មកសំណង់។

សមត្ថកិច្ចក៏បានដកហូតវត្ថុតាង រួមមាន ម្សៅក្រាមពណ៌សថ្លាសង្ស័យសារធាតុញៀនចំនួន០៤កញ្ចប់តូច, ម៉ូតូ០១គ្រឿងម៉ាកអ៊ែប្លែកពណ៌ខ្មៅលាយទឹកប្រាក់ ពាក់ស្លាកលេខភ្នំពេញ 1D-0943។

សមត្ថកិច្ចបានឲ្យដឹងទៀតថា មុនពេលកើតហេតុកម្លាំងជំនាញ បានចេញល្បាតមកដល់ចំណុចកើតហេតុខាងលើ ក៏ប្រទះឃើញជនសង្ស័យ០២នាក់កំពុងតែបណ្តើរម៉ូតូ ពេលនោះលោកអធិការងទទួលផែន និងលោកនាយផ្នែកគ្រឿងញៀនមានការសង្ស័យ ក៏ឃាត់សួរនាំហើយធ្វើការឆែកឆេរហើយជនសង្ស័យឈ្មោះវ៉ង់ ផាន្នី បានបោះថ្នាំញៀនទៅលើដី ចំនួន០៤កញ្ចប់តូចចោល។ ជនសង្ស័យទាំង០២នាក់មកអធិការដ្ឋានកសាងសំណុំរឿងចាត់ការតាមនិតិវិធីច្បាប់៕