កំពង់ធំៈ ព្រឹកថ្ងៃទី១៣ ខែតុលា ឆ្នាំ២០១៦ នៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ធំ បានបើកកិច្ចប្រជុំត្រួតពិនិត្យការអនុវត្តន៍ តួនាទីភារកិច្ចការងារកងរាជអាវុធហត្ថប្រចាំខែតុលា និងទិសដៅអនុវត្តការងារខែវិច្ឆិកា ឆ្នាំ២០១៦ ក្រោមអធិបតីភាព លោក ឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ ដោយមានការចូលរួមពីសំណាក់ លោកមេបញ្ជាការរង លោកនាយរងសេនាធិការដ្ឋាន ប្រធានមន្ទីរ អនុប្រធានមន្ទីរនាយការិយាល័យ និងមេបញ្ជាការកងរាជអាវុធហត្ថក្រុងស្រុកទាំងទាំង៨ ជាច្រើនរូបផងដែរ។

ក្នុងឱកាសនោះ លោក ឧត្តមសេនីយ៍ត្រី ហង្ស ថុល បានផ្សព្វផ្សាយបទបញ្ជារបស់មេបញ្ជាការ កងរាជអាវុធហត្ថលើផ្ទៃប្រទេសនិងបានសង្កត់ធ្ងន់ឲ្យមន្ត្រីក្រោមឱវាទ ត្រូវយកចិត្តទុកដាក់ទប់ស្កាត់ និងបង្ក្រាបឲ្យបានទាន់ពេលវេលានូវរាល់បទល្មើសផ្សេង ដែលកើតមានឡើងនៅក្នុងភូមិសាស្រ្តរបស់ខ្លួន និងត្រូវយកចិត្តទុកដាក់បង្ក្រាប ដាច់ខាត ករណីគ្រឿងញៀនហើយ ត្រូវជួយផ្សព្វផ្សាយ និងពន្យល់ពីច្បាប់ចរាចរ ពិសេសកងរាជអាវុធហត្ថ ត្រូវគោរពច្បាប់ចរាចរណ៍ ៕