ភ្នំពេញៈ បុរស២នាក់បានរងរបួសស្រាល ខណៈត្រូវរថយន្តកុងតឺន័របើកបុក និងកិនម៉ូតូជាប់នឹងកង់ កាលពីវេលាម៉ោង៣និង១០នាទីរសៀល ថ្ងៃទី១៣ ខែតុលា ឆ្នាំ២០១៦ តាមបណ្តោយផ្លូវវេងស្រេង ចំណុចមុខបុរីពិភពថ្មី ក្នុងសង្កាត់ចោមចៅ ខណ្ឌពោធិ៍សែនជ័យ។
ប្រភពពីប្រជាពលរដ្ឋនៅក្បែរកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូ១គ្រឿងម៉ាកហុងដាឌ្រីម បើកតាមបណ្តោយផ្លូវវេងស្រេង មកដល់ចំណុចកើតហេតុ មានរថយន្តកុងតឺន័របើកមកពីក្រោយស្របទិសគ្នា ដោយទំនងមិនបានឃើញម៉ូតូជនរងគ្រោះ ក៏កិនពីក្រោយ តែសំណាងល្អជនរងគ្រោះរួចផុតជីវិតដោយគ្រាន់តែខូចខាតម៉ូតូប៉ុណ្ណោះ។
បច្ចុប្បន្ន សមត្ថកិច្ចមូលដ្ឋានបានចុះទៅដល់កន្លែងកើតហេតុ ធ្វើការវាស់វែង និងយកម៉ូតូទៅរក្សាទុកនៅអធិការនគរបាលខណ្ឌពោធិសែនដើម្បីដោះស្រាយ៕
មតិយោបល់