កំពង់ចាមៈ លោកវរសេនីយ៍ទោ ប្រេង ហ៊ីម អធិការនគរបាលស្រុកកោះសូទិន នៅព្រឹកថ្ងែទី១៣ ខែតុលា ឆ្នាំ២០១៦នេះ បានដឹកនាំកម្លាំងអធិការដ្ឋាន និងកម្លាំងប៉ុស្ដិ៍នគរបាលរដ្ឋបាលល្វេ ចុះបង្ក្រាបបទល្មើសនេសាទ នៅក្នុងឡូត៍លេខ៨ ចំណុចបឹងរយា ក្រោយ ភូមិព្រែកចង្ក្រាន ឃុំល្វេស្រុកកោះសូទិន ខេត្តកំពង់ចាម។

ជាលទ្ធផលបង្ក្រាបបាន ៖ លូស្បៃមុងចំនួន១៤មាត់ -របាំងស្បៃប្រវែង១៧៥០ម៉ែត្រ បង្គោល១២០០ដើម -រ៉ាវចំនួន២មាត់ -របាំងប្រវែង១២០ម៉ែត្រ -លូស្បៃមុង៤មាត់ ហើយត្រូវកម្លាំងដុតបំផ្លាញចោលនៅនឹងកន្លែងមួយចំនួន និងមួយចំនួនទៀតបានយកមករក្សាទុកនៅសាលាស្រុកកោះសូទិន។

ដោយឡែក កាលពីថ្ងៃទី ១២ ខែតុលា ឆ្នាំ២០១៦ លោក ភោគ សាវុធ អភិបាលរងស្រុកកងមាស បានដឹកនាំកម្លាំងសម្ថកិច្ចស្រុក សហការជាមួយកម្លាំងខណ្ឌជលផលបាន ចុះបង្រ្កាបបទល្មើសនេសាទ តាមបណ្តោយដងទន្លេ នៅចំណុច ឃុំកងតាណឹង និងឃុំស្តៅ រឹបអូសបានដាយស្បៃមុងចំនួន៥មាត់ រួចកម្លាំងធ្វើការដុតកម្ទេចចោលនៅសាលាស្រុកកងមាស៕