កណ្តាល: មេខ្លោងជួញដូរគ្រឿងដែលជាមនុស្សពិការដៃទាំងសងខាង និងបក្ខពួក ត្រូវបានសមត្ថកិច្ចឃាត់ខ្លួនបាន រួមទាំងថ្នាំញៀនចំនួន ០៣កញ្ចប់។
ការឃាត់ខ្លួននេះ បានធ្វើឡើងកាលពីវេលាម៉ោង ១២ថ្ងៃត្រង់ ថ្ងៃទី១៤ ខែតុលា ឆ្នាំ២០១៦ នៅចំណុចផ្ទះជនសង្ស័យអ៊ុ កុសល(ហៅសុត) នៅភូមិជ្រោយមេត្រីក្រោម ឃុំឬស្សីជ្រោយ ស្រុកមុខកំពូល ខេត្តកណ្តាល។

ជនសង្ស័យ០៤នាក់នោះរួមមាន ទី១.ឈ្មោះអ៊ុកុសល(ហៅសុត) ភេទប្រុស អាយុ៣៤ឆ្នាំ មុខរបរមិនពិតប្រាកដ។ ទី២.ឈ្មោះឃ្លាំង ថា ភេទប្រុស អាយុ២២ឆ្នាំ មុខរបរជាងផ្សារដែក, ទី៣.ឈ្មោះម៉ិច រក្សភេទប្រុស អាយុ២៥ឆ្នាំ មុខរបរជាងសំណង់ នៅភូមិជ្រោយមេត្រីក្រោម ឃុំឬស្សីជ្រោយ ស្រុកមុខកំពូល ខេត្តកណ្ដាលជាមួយគ្នា និងទី៤.ឈ្មោះម៉ិច សំអូនភេទប្រុស អាយុ៣៧ឆ្នាំ មុខរបរជាងសំណង់ស្រុកកំណេតភូមិដង្កោឃុំខ្វិត ធំស្រុកព្រៃឈរខេត្តកំពង់ចាម ស្នាក់នៅផ្ទះជួលភូមិទួលសង្កែ សង្កាត់ទួលសង្កែ ខណ្ឌឬស្សីកែវ រាធានីភ្នំពេញ។

វត្ថុតាងចាប់យកបានរួមមាន ម៉្សៅក្រាមពណ៌សថ្លាសង្ស័យជាសារធាតុញៀនចំនួន០៣កញ្ចប់(ធំ០១កញ្ចប់) ម៉ូតូម៉ាកC125ពណ៌ខ្មៅសេរី២០០៣ ឡើងតែម២០០៧ ពាក់ស្លាកលេខភ្នំពេញ1G-8702 មួយគ្រឿង។ ទូរស័ព្ទដៃ០២គ្រឿងម៉ាកអាកាទែលពណ៌ខ្មៅស៊ីម០២មួយគ្រឿងនិងម៉ាកណូគាពណ៌បៃតងស៊ីម០២មួយគ្រឿង។

សមត្ថកិច្ចបានបន្ថែមថា កន្លងមកជនសង្ស័យឈ្មោះអ៊ុ កុសល ហៅសុត(ពិការដៃទាំងសង្ខាង) ធ្លាប់បានធ្វើសកម្មភាពជួញដូរគ្រឿងញៀនរយះពេល០៤ខែមកហើយដោយ ឲ្យជនសង្ស័យឈ្មោះម៉ិច រក្សនិងឈ្មោះឃ្លាំង ថាកាន់ ថ្នាំញៀនលក់ដូរឲ្យហើយឲ្យប្រាក់ចាយជាធម្មតានិងធ្លាប់ប្រើប្រាស់ថ្នាំញៀនជាមួយគ្នា។

លុះដល់ថ្ងៃទី១៤ ខែតុលា វេលាម៉ោង០៦ព្រឹកជនសង្ស័យឈ្មោះអ៊ុ កុសល និងឈ្មោះឃ្លាំង ថាបាននាំគ្នាជិះម៉ូតូម៉ាកសេ១២៥សេរីឆ្នាំ ២០០៣ឡើងតែម២០០៧ពណ៌ខ្មៅពាក់ផ្លាកលេខភ្នំពេញ1G-8702 ទៅទិញថ្នាំញៀននៅចំណុចរ៉ារទេះភ្លេងទួលគោកចំនួន០១កញ្ចប់ធំតម្លៃ៤០ម៉ឺនរៀលពីជនមិនស្គាល់ឈ្មោះដេម្បីយកមកលក់បន្ត។

ក្រោយពីទិញថ្នាំញៀនបាន ជនសង្ស៏យឈ្មោះអ៊ុ កុសលនិងឈ្មោះឃ្លាំងថាបានជិះម៉ូតូ ត្រឡប់មកផ្ទះវិញនៅភូមិជ្រោយមេត្រីក្រោមឃុំឬស្សីជ្រោយ ភ្លាមនោះសមត្ថកិច្ចនគរបាលប៉ុស្តិ៍ឬស្សីជ្រោយបានមកដល់ផ្ទះកើតហេតុក៍ត្រូវបានឃាត់ខ្លួនជនសង្ស័យចំនួន០៤នាក់រួមនឹងវត្ថុតាងបញ្ជូនមកអធិការដ្ឋាននគរបាលស្រុកដេម្បីចាត់ការតាមនីតិវិធី៕