បាត់ដំបង: នៅថ្ងៃទី១៤ ខែតុលា ឆ្នាំ២០១៦ វេលាម៉ោង ១ និង៣៥នាទីរសៀល ដោយមានការណែនាំពីលោកវរ:សេនីយ៍ទោ សុង សុភ័ក្រ្ត អធិការនគរបាលស្រុកភ្នំព្រឹក ឲ្យកំម្លាំងដើរល្បាតនិងត្រួតពិនិត្យមុខសញ្ញាដែលលួចម៉ូតូពីស្រុកកម្រៀង កាលពីយប់ថ្ងៃទី១១ ខែតុលា ជនរងគ្រោះឈ្មោះ ទេព កុម្ភ: ភេទប្រុស អាយុ៣៣ឆ្នាំ នៅចំណុចភូមិស្វាយ ឃុំបឹងរាំង ស្រុកកម្រៀង ម៉ូតូម៉ាកសង់C110 ពណ៍ខ្មៅ សេរី2012។

ក្រោយពីដើរល្បាតក្នុងភូមិសាស្រ្តស្រុក កម្លាំងសម្ថកិច្ចបានឃើញមុខសញ្ញា និងម៉ូតូដូចភិនភាគខាងលើ នៅចំណុចភូមិភ្នំតូច ឃុំពេជ្រចិន្តា ក៏បានឃាត់ខ្លួនជនសង្ស័យ ឈ្មោះ អាត ហ៊ីង ភេទប្រុស អាយុ៣០ឆ្នាំ ស្នាក់នៅបណ្តោះអាសន្ន ភូមិអូរ ឃុំពេជ្រចិន្តា ស្រុកភ្នំព្រឹក រួចបានប្រគល់ខ្លួនជនសង្ស័យទៅឲ្យសម្ថកិច្ចស្រុកកម្រៀងដើម្បីចាត់ការបន្តតាមនីតិវិធីច្បាប់៕