ត្បូងឃ្មុំៈ ទីតាំងជល់មាន់ យ៉ាងអាណាធិបតេយ្យមួយកន្លែង ត្រូវបានកម្លាំងនគរបាលនៃអធិការដ្ឋាននគរបាលស្រុកតំបែរ ធ្វើការឆ្មក់បង្ក្រាបដកហូតបានតែម៉ូតូជាច្រើនគ្រឿងចំណែកមនុស្សរត់គេចខ្លួនអស់ ។

ការបង្ក្រាបនេះដែរ បានធ្វើឡើងកាលពីវេលាម៉ោង១១និង៣០នាទី ថ្ងៃទី១៥ ខែតុលា ឆ្នាំ២០១៦ ស្ថិតនៅចំណុចចម្ការកៅស៊ូ ក្នុងភូមិត្រពាំងព្រីង ឃុំត្រពាំងព្រីង ស្រុកតំបែរ ខេត្តត្បូងឃ្មុំ ។

សមត្ថកិច្ចបានឲ្យដឹងដែរថា ក្នុងការបង្ក្រាបនេះដែរ សមត្ថកិច្ចធ្វើការដកហូតបានម៉ូតូចំនួន១១គ្រឿង រួមនិងមាន់ជល់ចំនួន៣ក្បាល ចំណែកឯមនុស្សវិញ បានដឹងខ្លួនមុនរត់គេចខ្លួនបាត់អស់ទៅហើយ ។ ចំណែកវត្ថុតាងខាងលើ ត្រូវបានសមត្ថកិច្ចនាំយកមករក្សាទុកនៅអធិការដ្ឋាននគរបាលស្រុកតំបែរ ដើម្បីរង់ចាំម្ចាស់ចូលខ្លួនមកដោះស្រាយតាមផ្លូវច្បាប់ ៕