ត្បូងឃ្មុំៈ កម្លាំងជំនាញប្រឆាំងគ្រឿងញៀនស្រុកមេមត់ បានចុះបង្រ្កាបជនសង្ស័យបានចំនួន៤នាក់ ពីបទរក្សាទុក ជួញដូរដោយខុសច្បាប់នូវសារធាតុញៀន កាលពីវេលាម៉ោង១០និង២៥នាទីព្រឹក ថ្ងៃទី១៥ ខែតុលា ឆ្នាំ២០១៦ នៅចំណុចភូមិបុរីតេជោ ឃុំដារ ស្រុកមេមត់ ខេត្តត្បូងឃ្មុំ។
ក្នុងប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យចំនួន៤នាក់ ដោយដកហូតបានម្ស៉ៅក្រាមពណ៌សសង្ស័យជាថ្នាំញៀនចំនួន១៩កញ្ចប់(១៨កញ្ចប់តូច និង១កញ្ចប់ធំ) ព្រមទាំងសម្ភារៈវេចខ្ចប់ ជញ្ជីងអេឡិចត្រូនិច និងឧបករណ៍សេពគ្រឿងញៀនមួយចំនួន។
បច្ចុប្បន្ន សមត្ថកិច្ចបានបញ្ជូនជនសង្ស័យទាំង៤នាក់ និងវត្ថុតាងទៅអធិការដ្ឋាននគរបាលដើម្បីកសាងសំណុំរឿងតាមនីតិវិធីច្បាប់៕
មតិយោបល់